Umukinyi w\u2019inyuma w\u2019umugwi Academisk uri mu cicaro ca kabiri mu gibugu ca Danemark Nzeyimana philippe yamaze gushika mu Burundi mu ntumbero yo kwitegurira inkino zibiri zo kurondera itike ya CAN 2022 zigiye kubahuza na Centrafrique hamwe na Maroc .<\/p>\n
Mu kiganiro Indundi Tv yakoranye na Team Manager w\u2019intamba mu rugamba Mutima Constantin yavuze y\u2019uko Nzeyimana Philippe yasavye umugwi wiwe kuza hakiri kare kugira abe aramenyera ikirere co mu Burundi.<\/p>\n
Philippe akaba aheruka gukina mu rukino rwa kivandimwe rwahuje Intamba mu rugamba na Tanzania mu mwaka uheze , mugihe mu nkino zibiri zo kurondera itike ya CAN 2022 zaduhuje na Mauritania uwo mukinyi atigeze ahonyoza ikirenge mu kibuga mugihe yari yahamagawe bivanye n\u2019uko mu rukino rwo gutangura yari yagize ububabare mugihe urwo gusubirizwa yari yasanganywe umugera wa Covid -19 .<\/p>\n
Akaba rero aza kuboneka ubwa mbere mu myimenyerezo y\u2019intamba mu rugamba yo kuri uyu wa kane igenekerezo rya 18 Ntwarante iza kubera ku kibuga c\u2019ubuhinga CTN kiri mu ngagara igihe c\u2019isaha icenda 15h00.<\/p>\n
Mwomenya y\u2019uko mu bakinyi bakina hanze y\u2019igihugu bamaze gushika ni Saido Ntibazonkiza yari amaze imisi ari ngaha mu gihugu hamwe na Philippe Nzeyimana.<\/p>\n