Kuri uno wa kane igenekerezo rya 15 Ndamukiza 2021, Umushikiranganji wa mbere CPG Alain Guillaume Bunyoni yashikirije imbere y\u2019inama nshingamateka na nkenguzamateka icegeranyo c\u2019ivyaranguwe na Reta y\u2019Uburundi mu bushikiranganji bwose uko ari icumi na butanu mu kiringo kingana n\u2019amezi atandatu mu mwaka w\u20192020 ushira uw\u20192021.<\/p>\n
Imbere y\u2019uko ashikiriza aho ibikorwa bigeze mu bushikiranganji bumwe bumwe, umushikiranganji wa mbere Alain Guillaume Bunyoni yabanje gushikiriza ivyaranguwe bigenga ubushikiranganji bwose mu ntwaro ibereye, actions de bonne gouvernance, nko mu gisata kijejwe ibiganiro hagati y\u2019abakozi n\u2019abakoresha aho ngo hakozwe ingendo zitari nke mu ntumbero yo kwongereza ivyo biganiro, gushira mu ngiro umugambi wa Reta EWE BURUNDI URAMBAYE, ukurwanya ibiturire no kugabanya iteba ry\u2019iyigwa ry\u2019amadosiye atandukanye.<\/p>\n
Umushikiranganji wa mbere Alain Guillaume Bunyoni yabandanije ashikiriza ivyaranguwe ahereye ku bushikiranganji bw\u2019intwaro yo hagati, iterambere rusangi n\u2019umutekano akurikiza, ubushikiranganji bw\u2019ukwivuna abansi no kwitaho abahoze ku rugamba, ubushikiranganji bw\u2019ubutungane, ubushikiranganji bw\u2019imigenderanire y\u2019Uburundi n\u2019ayandi makungu, ubushikiranganji bw\u2019ikigega ca Reta, ubushikiranganji bw\u2019indero, ubushikiranganji bwo kubungabunga amagara y\u2019abantu no kurwanya Sida, ubusikiranganji bw\u2019ibidukikije, uburimyi n\u2019ubworozi, ubshikiranganji bw\u2019inyubako, ubushikiranganji bw\u2019abakozi n\u2019akazi, ubushikiranganji bw\u2019amazi, ubutare n\u2019agataka, ubushikiranganji bw\u2019ubudandaji, ubushikiranganji bw’iyinjira ry’Uburundi mu muryango EAC, ubushikiranganji bwo gufatana mu nda hamwe n’ubushikiranganji bwo gutumatumanako amakuru.<\/p>\n
Muri rusangi, ivyaranguwe muri aya mezi atandatu aheze, ngo vyaranguwe kugera ku bice 50 kw’ijana umushikiranganji wa mbere akizeza abarundi ko mu yandi mezi atandatu asigaye Reta izoba yaranguye ivyo bindi bice 50 kw’ijana bisigaye.<\/p>\n