<\/p>\n
kuri uyu wa kabiri igenekerezo rya 20 Ndamukiza 2021, isaha imwe y\u2019ijoro mu masaha ya hano iwacu niho Umugwi Yang Africans wari wakiriye Umugwi Gwambina Fc ki kibuga citiriwe Mukapa kiri i dar es Salaam mu rukino rw\u2019indwi ya 26 rw\u2019ihiganwa ryo muri Tanzania VPL.<\/strong><\/p>\n <\/p>\n Urwo rukino rukaba rwaraye rurangiye Yang Africans yirahiye Gwambina Fc ibitsindo 3-1 , ivyo bitsindo bikaba vyinjijwe na Ditram Nchimbi , Bakari Mwamnyeto hamwe na Saidi Ntibazonkiza.<\/p>\n Saidi Ntibazonkiza ahejeje gutsinda igitsindo ntiyigeze aryohererwa ico gitsindo mbere aca asaba y\u2019uko yosubirizwa yerekeza hanze y\u2019ikibuga ariko munyuma bagenzi biwe nka kibwana Shomari na Michael Sarpong baciye bamusubiza mukibuga urukino ruca ruherera ngaho .<\/p>\n Inyuma y\u2019urukino abo muri Staff ya Yang cane cane umumenyereza mukuru Mwambusi yaramwegeye barayaga ariko Saidi vyaboneka y\u2019uko hari ikintu kitagenze neza hagati yiwe n\u2019umumenyereza .<\/p>\n Ahejeje kuyaga n\u2019umumenyereza yaciye akomera amashi abakunzi b\u2019umugwi Yang Africans ndetse aranambura umwambaro yari yambaye arawubaterera.<\/p>\n Ivya Saidi Ntibazonkiza biheze uwundi mukinyi nawe nyene yerekanye ishavu ryiwe akaba ari Deus Kaseke aho nawe yasohotse n\u2019ishavu ridasanzwe umenga nawe nyene yoba ashigikiye Saidi Ntibazonkiza.<\/p>\n Mu kiganiro Saidi Ntibazonkiza yakoranye n\u2019abanditsi hamwe n\u2019abamenyeshamakuru yabajijwe impamvu yoba yatumye ataryohererwa igitsindo yaciye yishura y\u2019uko ata kintu nakimwe kiri hagati yiwe n\u2019abakinyi naho bishika hakagira utubazo mu kibuga ariko muri rusangi ameze neza n\u2019abagenzi biwe .<\/p>\n Umumenyereza Mwambusi nawe abajijwe impamvu yoba yatumye uwo mukinyi asaba yosubirizwa yaciye yishura y\u2019uko yasavye gusubirizwa kubera umumezero yari afise inyuma <\/p>\n
\nyo kwinjiza igitsindo .<\/p>\n