Uwutwara ishirahamwe ry\u2019umupira w\u2019amaguru mu Burundi yaraye atanguye ibikorwa vyo kwubaka ikibuga c\u2019umupira w\u2019amaguru co mu Kirundo.<\/p>\n
Ku musi wa gatandatu igenekerezo rya 08 Rusama 2021, mu masaha y\u2019ibikorwa rusangi , niho uwutwara ishirahamwe ry\u2019umupira w\u2019amaguru mu Burundi FFB honorable R\u00e9v\u00e9rien Ndikuriyo yifadikanya n\u2019abenegihugu bo mu ntara ya Kirundo mu gutangura ibikorwa vyo kwubaka ikibuga c\u2019inkino .<\/p>\n
Mu majambo Honorable R\u00e9v\u00e9rien Ndikuriyo atwara FFB yashikirije abenegihugu bo mu ntara ya Kirundo yavuze y\u2019uko ata mvura idahita aho akaba yariko aravuga kuvyerekeye ingene imigendanire y\u2019uburundi n\u2019Urwanda yatosekaye mu kuvuga y\u2019uko nimba Uburundi n\u2019Urwanda bitameze neza muri kino gihe mu myaka iza ivyo bihugu bishobora kugiranira imigendanire myiza mbere n\u2019inkino zizoba zihuza Uburundi n\u2019Urwanda zizohora zibera muri iyo ntara.<\/p>\n
Honorable R\u00e9v\u00e9rien Ndikuriyo akaba yarashoboye kwemerera abanya Kirundo y\u2019uko bazokora ibishoboka vyose kugira ico kibuga kirangire mbere nicarangira kizoca kijako umusezero wa kijambere .<\/p>\n
Mwomenya y\u2019uko ibibuga bishika kuri 8 biri mu ntara hagati nivyo bifise umusezero wa kijambere twita Stynthetic ikibuga co mu Kirundo kizoba ari ikibuga kigira 9.<\/p>\n