Kuri uno wa kabiri igenekerezo rya 30 Munyonyo 2021 kw\u2019ihoteri la D\u00e9tente iri mu gisagara ca Bujumbura, ubushikiranganji bwo gufatana munda no gushigikirana bwatunganije ikiganiro ku bamenyeshamakuru mu ntumbero yo kumenyesha aho urugamba bishinze rujanye no kurwanya amabi akorerwa abakenyezi n\u2019abapfasoni rugeze.<\/p>\n
Donatienne Girukwigomba, umuyobozi mukuru muri ubwo bushikiranji amaze gushikiriza bikurubikuru mu bimaze kurangurwa n\u2019ubwo bushikiranganji mu bijanye no kurwanya ayo mabi akorerwa abakenyezi n\u2019abigeme yaboneyeho kumenyesha imirwi canke ubwoko bw\u2019amabi akunze gukorerwa abakenyezi n\u2019abigeme abantu bayamenye kuko ngo basanze hari abantu batari bake bataramenya ko bakoze ikicanke kiriya baba bahohoteye umukenyezi canke umwigeme ndetse na nyene kuyakorerwa ntabimenye bivuye ahanini ku mico y\u2019ikirundi, ukutamenya, ubukene mu miryango n\u2019ibindi.<\/p>\n
Nk\u2019uko abishikiriza, Donatienne avuga ko hari ubwoko canke imirwi ine y\u2019amabi akorerwa abakenyezi n\u2019abigeme yamara ngo hari uwundi murwi uriko uribonekeza ugira gatanu. Ubwo bwoko bw\u2019ayo mabi akaba ari\u00a0: amabi yo gushurashuza ku nguvu, ukubuzwa kugira ijambo kuvy\u2019ubutunzi, ugutunturizwa umutima, gukubitwa hamwe n\u2019ubwicanyi.<\/p>\n
Donatienne amenyesha ko zimwe mu ngarukambi zishikira uwuba yakorerwe ayo mabi harimwo ukubura amahoro mu mutima ivyo bigatuma umuntu atagishobora no gukora ibikorwa vy\u2019iterambere kuko aba yaratuntuye umutima, ivyo bikagira ingarukambi haba mu muryango, mu kibano ndetse no ku gihugu.<\/p>\n
Mu butungane naho, umupfasoni Alice Emelyne Ntamatungiro yari yabuserukiye muri ico kiganiro yamenyesheje ko bahasha abantu baba bagiriwe n\u2019ivyaha bijanye no gukora amabi afatiye ku gitsina bivanye n\u2019uburemere bw\u2019ico caha ndetse ngo hari n\u2019abashobora gukatirwa umunyororo wo gupfungwa ubuzima bwabo bwose.<\/p>\n
Mwomenya ko ukwo umwaka utashe hama hatunganywa isekeza ry\u2019imisi icumi n\u2019itandatu (16 jours d’activisme), ryahariwe kurwanya amabi akorerwa abakenyezi n\u2019abigeme, uwu mwaka rikaba ryuguruwe n\u2019icegera c\u2019umukuru w\u2019igihugu Prosper Bazombanza mu ntara ya Muyinga kuwa 25 Munyonyo 2021 rikazorangira kuwa 10 Kigarama uwu mwaka.<\/p>\n