{"id":830,"date":"2018-12-31T07:02:48","date_gmt":"2018-12-31T14:02:48","guid":{"rendered":"http:\/\/indundi.com\/?p=830"},"modified":"2018-12-31T07:02:48","modified_gmt":"2018-12-31T14:02:48","slug":"burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi","status":"publish","type":"post","link":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/","title":{"rendered":"Ijambo umukuru w&#8217;igihugu yashikirije yipfuriza umwaka mwiza w&#8217;2019 abarundi n&#8217;ababa mu Burundi"},"content":{"rendered":"\n<div class=\"wp-block-image\"><figure class=\"aligncenter\"><img decoding=\"async\" src=\"http:\/\/indundi.com\/wp-content\/uploads\/2018\/12\/Nkurunziza-1024x683.jpg\" alt=\"\" class=\"wp-image-831\"\/><\/figure><\/div>\n\n\n\n<p class=\"wp-block-paragraph\">Barundi barundikazi, Umwaka w\u20192018 urarangiye, uw\u20192019 nawo uratanguye. Turashimiye cane Imana Mushoboravyose ku vyiza vyinshi yadukoreye muri uyu mwaka turangije, twongera tuyisaba kugumana natwe muri uyu mwaka mushasha dutanguye.<\/p>\n\n\n\n<p class=\"wp-block-paragraph\">Turipfurije Abarundi bose, aho bari hose, umwaka muhire, umwaka w\u2019amagara meza, amahoro, umutekano, ubutungane, iterambere n\u2019imigisha ikomoka ku Mana. Uzotubere umwaka wo kurushirizaho kuzirikana Igihugu cacu, gufatana mu nda, kunywana no guca ubwenge.<\/p>\n\n\n\n<p class=\"wp-block-paragraph\">Ni akanyamuneza kadasanzwe kubona umwaka wose uheze impande zose z\u2019Uburundi zirangwamwo amahoro, umutekano n\u2019impore. Turashimiye cane inzego z\u2019umutekano n\u2019izindi nzego z\u2019igihugu zitanga ijoro n\u2019umurango kugira Uburundi buramutswe Iteka n\u2019Itekane. Ntitwokwibagira gushimira Abarundi bose, na cane cane ya makomite y\u2019umutekano ahuriramwo Abarundi bose.<\/p>\n\n\n\n<p class=\"wp-block-paragraph\">Turasubiye gushimira ibihugu n\u2019amashirahamwe mpuzamakungu vyama bidufata mu mugongo mu migambi n\u2019imigabo itandukanye, na cane cane mu kujijura abijijanya imitima n\u2019abajanye nyabahururu kubera ibihuha, ibinyoma n\u2019amarementanya bitunganywa bikongera bigakwiragizwa n\u2019abansi b\u2019Uburundi.<\/p>\n\n\n\n<p class=\"wp-block-paragraph\">Uyu mwaka turiko turasozera wabaye umwaka mwiza cane. Ijuru ryagenze neza, bituma umwimbu wiyongera mu bisata vyose bigize ubuzima bw\u2019Igihugu. Icivugo ngenderwako tumaranye imyaka ibiri:\u00ab Tuzirikane Igihugu cacu, tumenye iyo tuva n\u2019iyo tuja \u00bb, catubereye urumuri rutazimiza. Tuzobandanya kucisunga mu mwaka dutanguye.<\/p>\n\n\n\n<p class=\"wp-block-paragraph\">Akanyamuneza turimwo muri iki kiringo turiko turasozera umwaka twongera dutangura uwundi mushasha, tugaterwa na vyinshi:<\/p>\n\n\n\n<p class=\"wp-block-paragraph\">Ivyo twakoze, ivyo twiboneye, ivyo twumvise, tutibagiye ibimenyetso bigaragaza ko imbere ari heza cane. Reka tubayagire bimwe mu bidutera akanyamuneza:<\/p>\n\n\n\n<p class=\"wp-block-paragraph\">Ubwa mbere: Ivyiyumviro vyinshi vyiza vyavuye muri Beneburundi vyatumye dushika kw\u2019Ibwirizwa Shingiro rishira imbere Ubwigenge , Iteka n\u2019Ineza vy\u2019Igihugu ; Ibwirizwa Shingiro risubiza Uburundi mu Biganza vy\u2019Imana nk\u2019uko vyari kera imbere y\u2019umuzo w\u2019abakoroni.<\/p>\n\n\n\n<p class=\"wp-block-paragraph\">Ubwa kabiri: Twarahakanye icese gusubira mu ntwaro z\u2019igikenye, dutsimbataza ubwigenge bw\u2019igihugu cacu n\u2019intwaro ya demokarasi, Abenegihugu bategura bo nyene amatora y\u2019Ibwirizwa Shingiro, ata mfashanyo y\u2019abahinga, y\u2019uburyo canke y\u2019ibikoresho dusavye hanze.<\/p>\n\n\n\n<p class=\"wp-block-paragraph\">Ubwa gatatu: Twarasasagaje amahoro n\u2019umutekano mu gihugu cose, Abarundi n\u2019abanyamahanga barishira barizana ata nkomanzi, benewacu bari hanze y\u2019igihugu babona gutahuka ku bwinshi mu gihugu c\u2019amavukiro.<\/p>\n\n\n\n<p class=\"wp-block-paragraph\">Ubwa kane: Twareretse abagikekeranya ko imbuto mbi y\u2019amacakubiri itakimera kw\u2019isi yacu, twima amatwi Abarundi n\u2019abanyamahanga bamwe bamwe bama bashaka kuturyanisha no kuducamwo imigwi ngo badusubize mw\u2019ihumbi nk\u2019uko vyabibwe n\u2019abakoroni na ba mpemukendamuke babo.<\/p>\n\n\n\n<p class=\"wp-block-paragraph\">Ubwa gatanu: Tubicishije mu mugambi wo kuzirikana Igihugu cacu, twarafashije Abarundi kumenya gutandukanya icatsi n\u2019ururo, kumenya amabanga n\u2019amateka y\u2019Igihugu cacu no kwitwararika gusiga iragi ryiza. Uwo mugambi tuzowubandanya ku neza y\u2019Abarundi, abariho n\u2019abataravuka.<\/p>\n\n\n\n<p class=\"wp-block-paragraph\">Ubwa gatandatu: Twarabandanije kwegeranya uburyo n\u2019ibindi bikenewe vyo gutegura amatora yo mu mwaka w\u20192020, kandi uwo mugambi witabwa n\u2019Abenegihugu benshi, babinezererewe kandi ata gahato. Turabashimiye ko mwitavye ako kamo twabateye ko kwitunganiriza ubwacu amatora ata munyamahanga agiyemwo.<\/p>\n\n\n\n<p class=\"wp-block-paragraph\">Ubw\u2019indwi: Twariteguriye umugambi nyamukuru w\u2019iterambere w\u2019imyaka cumi (2018-2027) tuzokwisunga mu gutegura iyindi migambi y\u2019iterambere.<\/p>\n\n\n\n<p class=\"wp-block-paragraph\">Ubw\u2019umunani: Twararonse umwimbu mwinshi, twongera twigira inama yo kuwubungabunga no gusabikanya umusesekara na benewacu bafise amikoro make.<\/p>\n\n\n\n<p class=\"wp-block-paragraph\">Ubw\u2019icenda :Twarakingiye itunga ry\u2019Igihugu, na cane cane ubutare n\u2019ibiterwa njabukamazi. Iyo ni intango nshasha izodushikana ku kwikukira nyakuri, twigabe twongere twigaburire.<\/p>\n\n\n\n<p class=\"wp-block-paragraph\">Ubw\u2019icumi : Twaratunganije Umugambi wo gushigikirana, mbere n\u2019umusi wahariwe ico gikorwa ciza urashirwaho biciye mw\u2019Itegeko. Dusavye Abarundi gukomeza Umugenzo mwiza wo gushigikirana, ntikibe igikorwa c\u2019umusi umwe, ahubwo kibe igikorwa ca misi yose.<\/p>\n\n\n\n<p class=\"wp-block-paragraph\">Ubw\u2019icumi na rimwe: Twarabandanije guterera agacumu k\u2019ubumwe mu kugarukana amahoro mu makungu, no kurwanya ibikorwa vy\u2019imirwi yitwaza iterabwoba.<br>Tubivuge tubisubire, ivyaranguwe vyose tubikesha Imana Mushoboravyose, n\u2019umutekano wabungabunzwe n\u2019Abarundi bose cane cane inzego zijejwe umutekano, izijejwe ukwivuna abansi, n\u2019izijejwe igendereza. Umutekano ni wo mushinge, ni wo nkingi, ni wo nkizo y\u2019Iteka n\u2019Iterambere mu Burundi no kw\u2019isi yose. Reka tubacire ku mayange ivyaranguwe, ido n\u2019ido abashikiranganji bazoja barabibashikiriza.<\/p>\n\n\n\n<p class=\"wp-block-paragraph\">Duhereye ku gisata c\u2019umutekano, uno mwaka waranzwe n\u2019umutekano ushimishije mu gihugu cose. Ariko nta vyera de, hari akagwi kitwaje ibirwanisho kagandaguye abantu 26, abandi 7 barakomereka mu Ruhagarika, komine Buganda, intara ya Cibitoke. Bamwe muri izo nkozi z\u2019ikibi ubu bari mu minwe y\u2019ubutungane. Abakoze iryo bara bariyemereye ko ryateguriwe mu Rwanda, ko ababatumye bari mu Rwanda, kandi ko baje bava mu Rwanda.<\/p>\n\n\n\n<p class=\"wp-block-paragraph\">Haribonekeje kandi ubusuma bw\u2019abitwaje ibirwanisho bicira umuriro; ubwicanyi ahanini bufatiye ku matati y\u2019amatongo hamwe no kwitana abarozi; haribonekeje abahingura, abadandaza n\u2019abanywa ibiyayuramutwe n\u2019inzoga zitemewe n\u2019amategeko, ari navyo ahanini bitera uruhagarara mu miryango no mu kibano. Abo bose bagiye barafatwa kandi barahanwa hisunzwe amategeko uko bukeye uko bwije.<\/p>\n\n\n\n<p class=\"wp-block-paragraph\">Ivyo vyatumye hasakwa henshi mu gihugu cose, hafatwa inkoho 123, amasasu 16.095 n\u2019ibikono vy\u2019amasasu 127, ibisasu ntezwantoke 446 n\u2019ibisasu bitezwa ibirwanisho 27, amamine 8 n\u2019ibindi bikoresho vyinshi vy\u2019igisirikare n\u2019igipolisi, harafatwa kandi haraseswa n\u2019amaritiro menshi y\u2019ibinyobwa bitemewe n\u2019amategeko.<\/p>\n\n\n\n<p class=\"wp-block-paragraph\">Mu bijanye na poritike, ibiganiro hagati ya Reta n\u2019imigambwe yemewe n\u2019amategeko vyaratunganijwe, mbere barumvikana no ku rupapuro rw\u2019inzira rw\u2019amatora twimirije mu mwaka w\u20192020.<\/p>\n\n\n\n<p class=\"wp-block-paragraph\">Twarakiriye impunzi zitahuka zishika 58.262 zivuye muri Tanzaniya, Kongo, Kenya, Ubuganda na Gabon, n\u2019impunzi zitahuka zidafashijwe na HCR zishika 200.000, tutibagiye Abarundi bababa ibihumbi mirongo itatu birukanywe igikubikubi na Reta y\u2019Urwanda, bagatandukanywa n\u2019abo bubakanye n\u2019uruvyaro rwabo, mbere bagasahurwa ivyabo urukombamazi.<\/p>\n\n\n\n<p class=\"wp-block-paragraph\">Ikindi gikorwa gihambaye kwabaye ugukura akajagari kari mu mashirahamwe mpuzamakungu n\u2019amashirahamwe yigenga yo mu Burundi akorera mu Burundi, kugira bakore bemewe kandi bisunze amategeko y\u2019Igihugu cacu.<\/p>\n\n\n\n<p class=\"wp-block-paragraph\">Dusavye cane cane abajejwe ubutungane, abajejwe umutekano, n\u2019Umurwi w\u2019igihugu wigenga ujejwe agateka ka zina muntu kurushiriza gukora neza, maze Abarundi bumve ko baba mu gihugu gifise amateka n\u2019amategeko, ko bafise uwo bashobora kwitura akabatunganiriza, kandi ko agateka kabo kubahirijwe.<\/p>\n\n\n\n<p class=\"wp-block-paragraph\">Mu gisata c\u2019ubutunzi, umwimbu ubandanya wiyongera uko umwaka utashe. Amahera imiriyaridi 792 y\u2019amarundi ni yo yari yitewze muri uyu mwaka, ariko hegeranijwe ayababa imiriyaridi 850 y\u2019amahera y\u2019amarundi. Ni ukuvuga ko hiyongereye ayarenga ibice 10% ugereranije n\u2019ayinjiye mu mwaka w\u20192017. Turashimiye abakozi bo mu kigo kijejwe kwegeranya amatagisi n\u2019amakori ku mwete bama bagira mu kurangura imirimo yabo, n\u2019aho hakiriho bake muri bo babateza urubwa.<\/p>\n\n\n\n<p class=\"wp-block-paragraph\">Turakeje Ubushikiranganji bujejwe amasoko ntanganguvu, ubujejwe Uburimyi n\u2019Ubworozi, hamwe n\u2019Ubushikiranganji bujejwe Ibikorwa vya Reta ku bikorwa vyinshi vyiza bwaranguye.<\/p>\n\n\n\n<p class=\"wp-block-paragraph\">Turararitse Abenegihugu bose ngo barushirizeho gucungera itunga rusangi no kubungabunga inyubako rusangi. Turasavye kandi ko umugambi w\u2019igihugu wa kabiri(II) wo kurwanya igiturire n\u2019ayandi mabi agikomokako uriko urategurwa worangira, kugira turonke amategeko atomoye kandi ajanye n\u2019igihe tugezemwo.<\/p>\n\n\n\n<p class=\"wp-block-paragraph\">Mu kurindira uwo mugambi, dusavye umuntu wese yasahuye Igihugu mu buryo ubwo aribwo bwose gusubiza ivyo yasahuye. Dusavye inzego zose zijejwe gukingira ubutunzi bw\u2019Igihugu kurushirizaho guhasha ba kaboko. Turasavye dushimitse ko icegeranyo ntabanduka c\u2019ingene imiduga ya Reta yatanzwe hisunzwe poritike nshasha yo kwunguruza abakozi ba Reta cotangwa mu kiringo kitarenze amezi atatu.<\/p>\n\n\n\n<p class=\"wp-block-paragraph\">Muri uyu mwaka dutanguye, tuzobandaniriza kw\u2019isemo tugezeko, maze dukutse ikivi.<\/p>\n\n\n\n<p class=\"wp-block-paragraph\">Ubwa mbere: Tuzobandanya gutsimbataza amahoro n\u2019umutekano mu gihugu no ku mbibe z\u2019igihugu no kwubahiriza ukwikukira kw\u2019Uburundi.<\/p>\n\n\n\n<p class=\"wp-block-paragraph\">Ubwa kabiri: Ibikorwa vyo kwitegurira amatora y\u20192020 bijanye no kwegeranya uburyo n\u2019ibikoresho bizobandanya.<\/p>\n\n\n\n<p class=\"wp-block-paragraph\">Ubwa gatatu: Tuzohimiriza Abenegihugu twongera tubigisha gushira mu ngiro umugambi mushasha w\u2019iterambere w\u2019imyaka 10.<\/p>\n\n\n\n<p class=\"wp-block-paragraph\">Ubwa kane: Tuzonagura umugambi w\u2019Ibikorwa rusangi, turwize inyubakwa rusangi: amashure, amavuriro, ibitaro, amasoko, ibigwati, ibibuga vy\u2019inkino, amazi ya rusengo, imikobeko, amabarabara y\u2019imigenderanire, isuku, kwubakira abatishoboye, ibiro vy\u2019indongozi mu ntwaro, n\u2019ibindi.<\/p>\n\n\n\n<p class=\"wp-block-paragraph\">Ubwa gatanu: Umugambi wo kuvura ku buntu abana bari munsi y\u2019imyaka itanu n\u2019abakenyezi bibungenze n\u2019abibarukira mu bitaro rya Reta uzobandanya.<\/p>\n\n\n\n<p class=\"wp-block-paragraph\">Ubwa gatandatu: Kugira duhangane n\u2019ihindagurika ry\u2019ibihe, tuzobandanya gukingira ibidukikije duciye muri wa mugambi w\u2019igihugu,\u00abEWE BURUNDI URAMBAYE\u00bb.<\/p>\n\n\n\n<p class=\"wp-block-paragraph\">Ubw\u2019indwi: Tuzobandanya kwubaka ingomero z\u2019umuyagankuba no gukwiragiza amazi meza mu gihugu.<\/p>\n\n\n\n<p class=\"wp-block-paragraph\">Ubw\u2019umunani: Tuzokomeza imigenderanire myiza n\u2019ibindi bihugu, turwize abagenzi b\u2019ukuri dufashanya twubahana.<\/p>\n\n\n\n<p class=\"wp-block-paragraph\">Ubw\u2019icenda: Tuzobandanya gukingira itunga rusangi na cane cane ubutare n\u2019ibiterwa njabukamazi.<\/p>\n\n\n\n<p class=\"wp-block-paragraph\">Ubw\u2019icumi: Tuzobandanya gufata ingingo zubahiriza agateka ka zina muntu, twubahirize amategeko kandi duhane abayahonyanga.<br>Ubw\u2019icumi na rimwe: Tugiye guhagurukira ikibazo c\u2019irwirirana ry\u2019abantu. Ni muri iyo ntumbero dusavye Ubushikiranganji bujejwe gutunganya ibisagara, guhagarika ibikorwa vyo gutunganya ibibanza bishasha vy\u2019uburaro mu gisagara ca Bujumbura n\u2019imicungararo yaco.<\/p>\n\n\n\n<p class=\"wp-block-paragraph\">Ubw\u2019icumi na kabiri: Tuzokorana n\u2019amashirahamwe afise uburyo n\u2019ubuhinga bugaragara, hubakwe amazu agerekeranye, tuyaronse Abenegihugu bayarihe bukebuke bayabamwo. Gutyo tuzoba dutoreye umuti urama ikibazo c\u2019ubukene bw\u2019uburaro n\u2019amatongo.<\/p>\n\n\n\n<p class=\"wp-block-paragraph\">Ubw\u2019icumi na gatatu: Tuzokingira twivuye inyuma Imico n\u2019Imigenzo vy\u2019Abarundi, twamirire kure inyigisho, imvugo, inyifato n\u2019ibikorwa ivyo arivyo vyose bitosekaza akaranga n\u2019akarangamutima vy\u2019Abarundi.<\/p>\n\n\n\n<p class=\"wp-block-paragraph\">Igikorwa co kwandika ingo hisunzwe amategeko kigeze ku bice birenga 90% kiretse mu ntara ya Rumonge. Turashimishwa n\u2019iyo ntambwe. Tuzobandanya ico gikorwa twongere tugisozere muri uyu mwaka w\u20192019. Ivyo tubikora ku neza y\u2019ingo n\u2019imiryango, kwubahiriza imico n\u2019imigenzo vy\u2019Abarundi, tutibagiye umutekano mu ngo no mu gihugu cose ubu no muri kazoza. Twipfuza ko umwaka w\u20192019 worangira abana bose mu Burundi bafise ba se b\u2019ukuri bitirirwa, kuko umwana n\u2019aho yoba impfuvyi akomoka ku bavyeyi babiri.<\/p>\n\n\n\n<p class=\"wp-block-paragraph\">Ubw\u2019icumi na kane: Tuzoshishikara gusahiriza amakomine mu migambi izamura ubutunzi bwayo mu kuronsa ikomine yose amahera imiriyoni amajana atanu ku mwaka.<\/p>\n\n\n\n<p class=\"wp-block-paragraph\">Ubw\u2019icumi na gatanu: Tuzoronsa inyigisho zidasanzwe hamwe n\u2019ibikoresho abajejwe Umutekano no kwivuna abansi kugira barushirizeho guhangana n\u2019ibibazo ivyo arivyo vyose.<\/p>\n\n\n\n<p class=\"wp-block-paragraph\">Ubw\u2019icumi na gatandatu: Tuzobandanya Umugambi wo kuzirikana Igihugu, dufashe Abarundi kumenya ukuri no guca ubwenge.<\/p>\n\n\n\n<p class=\"wp-block-paragraph\">Ubw\u2019icumi n\u2019indwi: Kuva mu mwaka w\u20192019, Umurongozi wese mu gisata ajejwe, azotegerezwa kwerekana ingaruka nziza zikomoka ku ngingo zifatwa ku neza y\u2019Abenegihugu n\u2019Igihugu ubu no muri kazoza. Ni yo nzira irashe yo gukomeza kuzirikana no gukunda Igihugu mu buzima bw\u2019igihugu n\u2019abenegihugu, na cane cane indongozi.<\/p>\n\n\n\n<p class=\"wp-block-paragraph\">Ubw\u2019icumi n\u2019umunani: Mu mwaka w\u20192019, Umurwa mukuru wa poritike uzoja ku murwa mukuru w\u2019Intara ya Gitega, kandi Ubushikiranganji bumwe bumwe bugiye kwimurirwa mu ntara ya Gitega.<\/p>\n\n\n\n<p class=\"wp-block-paragraph\">Eka n\u2019Imirwi y\u2019Igihugu harimwo uwujejwe amatora, uwujejwe amatati y\u2019amatongo n\u2019ayandi matungo, uwujejwe gushira ahabona ukuri no kunywanisha Abarundi, n\u2019iyindi mirwi izokwimurirwa i Gitega no mu zindi ntara z\u2019Uburundi.<\/p>\n\n\n\n<p class=\"wp-block-paragraph\">Ubw\u2019icumi n\u2019icenda: Kuva mu mwaka w\u20192019, Inama y\u2019Abashikiranganji izokwama ikoranira mu ntara ya Gitega, kandi n\u2019Umukuru w\u2019Igihugu azotorwa mu mwaka w\u20192020 azorahirira imbere y\u2019Abenegihugu mu ntara ya Gitega.<\/p>\n\n\n\n<p class=\"wp-block-paragraph\">Ubwa mirongo ibiri: Tubicishije muri ca kigega co gutera intege no gutanga ingwati, turategekanya kuronsa Imiriyaridi zitatu z\u2019amahera y\u2019amarundi Urwaruka ruhurikiye mu makoperative. Ayo mahera azotangwa nk\u2019ingurane ku nyungu zitavuna, kandi azokwongerezwa mu myaka iri imbere. Iyo ni inzira irashe yo kurwanya ubushomeri no kwongereza igitigiri c\u2019abatangakori.<\/p>\n\n\n\n<p class=\"wp-block-paragraph\">Nkuko twama tubikora kandi benshi bakaba barumvise akamo twabateye, turasubiriye guhamagarira impunzi zikiri hanze y\u2019igihugu ngo zitahuke. Turazi ko hariho bamwe muri bo bakiboshwe nk\u2019inyagano; turazi ko abandi bahenzwe canke bihenze. \u00abIkibi ntikizira kuba kizira gusubira, kandi ikibi si ukugwa, ni ukugwa ntuvyuke\u00bb.<\/p>\n\n\n\n<p class=\"wp-block-paragraph\">Twipfuza ko Abarundi bose bakiri hanze bipfuza gutahuka botahuka muri uyu mwaka w\u20192019 dutanguye, kandi nkuko vyama bigenda, tuzobakirana iteka twama twakirana abahungutse bose.<\/p>\n\n\n\n<p class=\"wp-block-paragraph\">Uyu mwaka w\u20192019 n\u2019ube umwaka w\u2019ih\u016bng\u016bka, amahoro n\u2019umutekano mu Burundi ntibikiri agaseseshwarumuri. Tuboneyeho gusaba ibihugu vyakiriye impunzi z\u2019Abarundi, n\u2019ishirahamwe HCR ngo bumve nabo nyene aka kamo duteye abacu, borohereze abipfuza gutahuka.Turashimiye cane abamaze kubikora.<\/p>\n\n\n\n<p class=\"wp-block-paragraph\">Dusavye Abarundi kwima amatwi ba sesankuyoze bakunda kwibonekeza mu bihe nk\u2019ibi Igihugu kiba cimirije amatora. Mureme, muremeshe abandi kandi mugume ku kivi. Ibisigaye Imana y\u2019Uburundi izovyikorera.<\/p>\n\n\n\n<p class=\"wp-block-paragraph\">Mu ntumbero yo gusasagaza amahoro, iteka n\u2019itekane mu gihugu, twisunze Ingingo y\u2019114 y\u2019Ibwirizwa Shingiro, turagiriye Ikigongwe abakatiwe gupfungwa imyaka itarenga itanu, Abakenyezi bibungenze n\u2019abonsa, abagendana ubumuga bugaragara, abamaze mu mvuto ica kabiri c\u2019ikiringo bakatiwe, n\u2019abandi; bose hisunzwe uburemere bw\u2019ivyaha bagirizwa n\u2019inyifato yabo mu mabohero barimwo.<\/p>\n\n\n\n<p class=\"wp-block-paragraph\">Mu gusozera, Turasubiye kubashimira mwese ingene mu budasa bwanyu muguma mushigikiye ubwigenge bwanyu n\u2019ubw\u2019Igihugu mufatanye mu nda, muteramira umutekano w\u2019aho mubaye ijoro n\u2019umurango. Mwame mwibuka ko abansi b\u2019Uburundi badasinziriye, na cane cane muri iki gihe c\u2019imisi mikuru ya Noweri n\u2019Umwaka Mushasha.<\/p>\n\n\n\n<p class=\"wp-block-paragraph\">Turasubiriye kwipfuriza Abarundi mwese aho muri hose umwaka mushasha mwiza w\u20192019, uze ubabere umwaka w\u2019amata n\u2019ubuki, umwaka wo gusagwa n\u2019urweze n\u2019amahoro meza. Muwuhimbaze mudasesagura kuko:\u00abInda uyibwira ico wayirarije ntuyibwira ico wayihaye\u00bb. Tugire urunani rw\u2019intamenwa, \u00abTuzirikane Igihugu cacu, tumenye iyo tuva n\u2019iyo tuja\u00bb.<\/p>\n\n\n\n<p class=\"wp-block-paragraph\">Turatangarije Abarundi ko mu mwaka w\u20192019 Imana igiye guserura vyinshi bitari bwaboneke mu Burundi. Umwaka w\u20192019 tuwitezemwo Amateka mashasha, no kwakira Ingabire z\u2019Imana zidasanzwe mu Barundi, twongere tuzivomere, tuzivugutire, maze zitubere isoko ry\u2019imigisha n\u2019iterambere bivuye ku Mana Mushoboravyose, kandi twemere gukorana nayo.<\/p>\n\n\n\n<p class=\"wp-block-paragraph\">Imana ihezagire Uburundi n\u2019Abarundi.<br>Imana ihe umugisha Uburundi n\u2019Abarundi.<br>Imana izigame Uburundi n\u2019Abarundi.<br>Imana imurikishirize Inyonga zayo Uburundi n\u2019Abarundi.<br>Imana igirire neza Uburundi n\u2019Abarundi.<br>Imana irabe ryiza Uburundi n\u2019Abarundi.<br>Amahoro y\u2019Imana abe mu Burundi no mu Barundi.<br>Izina ry\u2019Imana Mushoboravyose ryame mu Burundi no mu Barundi.<br>Abarundi n\u2019Uburundi mwakire kurenganurwa n\u2019ugushumbushwa n\u2019Imana.<br>Uburundi n\u2019Abarundi musesekarizwe Amasezerano mashasha y\u2019umunezero bivuye ku Mana Mushobora vyose.<br>Imana mushobora vyose isambure imigabo n\u2019imigambi mibi yose y\u2019umwansi w\u2019Uburundi n\u2019Abarundi aho ari hose.<br>Murakoze!<\/p>\n","protected":false},"excerpt":{"rendered":"<p>Barundi barundikazi, Umwaka w\u20192018 urarangiye, uw\u20192019 nawo uratanguye. Turashimiye cane Imana Mushoboravyose ku vyiza vyinshi yadukoreye muri uyu mwaka turangije, twongera tuyisaba kugumana natwe muri uyu mwaka mushasha dutanguye. Turipfurije Abarundi bose, aho bari hose, umwaka muhire, umwaka w\u2019amagara meza, amahoro, umutekano, ubutungane, iterambere n\u2019imigisha ikomoka ku Mana. Uzotubere umwaka wo kurushirizaho kuzirikana Igihugu cacu, [&hellip;]<\/p>\n","protected":false},"author":5,"featured_media":0,"comment_status":"open","ping_status":"closed","sticky":false,"template":"","format":"standard","meta":{"_bbp_topic_count":0,"_bbp_reply_count":0,"_bbp_total_topic_count":0,"_bbp_total_reply_count":0,"_bbp_voice_count":0,"_bbp_anonymous_reply_count":0,"_bbp_topic_count_hidden":0,"_bbp_reply_count_hidden":0,"_bbp_forum_subforum_count":0,"footnotes":""},"categories":[518,515,519,706,538,517,725],"tags":[772,773,585,586,774,587],"class_list":["post-830","post","type-post","status-publish","format-standard","hentry","category-burundi","category-homepage","category-kirundi","category-primusic-burundi","category-promoted","category-societe","category-tabac","tag-cops_enemy","tag-john-k-ay","tag-message-a-la-nation","tag-perezida-petero-nkurunziza","tag-tanasha","tag-umwaka-mushasha-w2019"],"yoast_head":"<!-- This site is optimized with the Yoast SEO plugin v21.3 - https:\/\/yoast.com\/wordpress\/plugins\/seo\/ -->\n<title>Ijambo umukuru w&#039;igihugu yashikirije yipfuriza umwaka mwiza w&#039;2019 abarundi n&#039;ababa mu Burundi - Indundi Culture | Magazine<\/title>\n<meta name=\"robots\" content=\"index, follow, max-snippet:-1, max-image-preview:large, max-video-preview:-1\" \/>\n<link rel=\"canonical\" href=\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/\" \/>\n<meta property=\"og:locale\" content=\"en_US\" \/>\n<meta property=\"og:type\" content=\"article\" \/>\n<meta property=\"og:title\" content=\"Ijambo umukuru w&#039;igihugu yashikirije yipfuriza umwaka mwiza w&#039;2019 abarundi n&#039;ababa mu Burundi - Indundi Culture | Magazine\" \/>\n<meta property=\"og:description\" content=\"Barundi barundikazi, Umwaka w\u20192018 urarangiye, uw\u20192019 nawo uratanguye. Turashimiye cane Imana Mushoboravyose ku vyiza vyinshi yadukoreye muri uyu mwaka turangije, twongera tuyisaba kugumana natwe muri uyu mwaka mushasha dutanguye. Turipfurije Abarundi bose, aho bari hose, umwaka muhire, umwaka w\u2019amagara meza, amahoro, umutekano, ubutungane, iterambere n\u2019imigisha ikomoka ku Mana. Uzotubere umwaka wo kurushirizaho kuzirikana Igihugu cacu, [&hellip;]\" \/>\n<meta property=\"og:url\" content=\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/\" \/>\n<meta property=\"og:site_name\" content=\"Indundi Culture | Magazine\" \/>\n<meta property=\"article:published_time\" content=\"2018-12-31T14:02:48+00:00\" \/>\n<meta property=\"og:image\" content=\"http:\/\/indundi.com\/wp-content\/uploads\/2018\/12\/Nkurunziza-1024x683.jpg\" \/>\n<meta name=\"author\" content=\"janvier\" \/>\n<meta name=\"twitter:card\" content=\"summary_large_image\" \/>\n<meta name=\"twitter:label1\" content=\"Written by\" \/>\n\t<meta name=\"twitter:data1\" content=\"janvier\" \/>\n\t<meta name=\"twitter:label2\" content=\"Est. reading time\" \/>\n\t<meta name=\"twitter:data2\" content=\"11 minutes\" \/>\n<script type=\"application\/ld+json\" class=\"yoast-schema-graph\">{\"@context\":\"https:\/\/schema.org\",\"@graph\":[{\"@type\":\"WebPage\",\"@id\":\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/\",\"url\":\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/\",\"name\":\"Ijambo umukuru w'igihugu yashikirije yipfuriza umwaka mwiza w'2019 abarundi n'ababa mu Burundi - Indundi Culture | Magazine\",\"isPartOf\":{\"@id\":\"https:\/\/indundiculture.com\/magazine\/#website\"},\"datePublished\":\"2018-12-31T14:02:48+00:00\",\"dateModified\":\"2018-12-31T14:02:48+00:00\",\"author\":{\"@id\":\"https:\/\/indundiculture.com\/magazine\/#\/schema\/person\/dd28c84d43ef99ec2da1bfc4b42bc814\"},\"breadcrumb\":{\"@id\":\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/#breadcrumb\"},\"inLanguage\":\"en-US\",\"potentialAction\":[{\"@type\":\"ReadAction\",\"target\":[\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/\"]}]},{\"@type\":\"BreadcrumbList\",\"@id\":\"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/#breadcrumb\",\"itemListElement\":[{\"@type\":\"ListItem\",\"position\":1,\"name\":\"Home\",\"item\":\"https:\/\/indundiculture.com\/magazine\/\"},{\"@type\":\"ListItem\",\"position\":2,\"name\":\"Ijambo umukuru w&#8217;igihugu yashikirije yipfuriza umwaka mwiza w&#8217;2019 abarundi n&#8217;ababa mu Burundi\"}]},{\"@type\":\"WebSite\",\"@id\":\"https:\/\/indundiculture.com\/magazine\/#website\",\"url\":\"https:\/\/indundiculture.com\/magazine\/\",\"name\":\"Indundi Culture | Magazine\",\"description\":\"Burundi Entertainment\",\"potentialAction\":[{\"@type\":\"SearchAction\",\"target\":{\"@type\":\"EntryPoint\",\"urlTemplate\":\"https:\/\/indundiculture.com\/magazine\/?s={search_term_string}\"},\"query-input\":\"required name=search_term_string\"}],\"inLanguage\":\"en-US\"},{\"@type\":\"Person\",\"@id\":\"https:\/\/indundiculture.com\/magazine\/#\/schema\/person\/dd28c84d43ef99ec2da1bfc4b42bc814\",\"name\":\"janvier\",\"image\":{\"@type\":\"ImageObject\",\"inLanguage\":\"en-US\",\"@id\":\"https:\/\/indundiculture.com\/magazine\/#\/schema\/person\/image\/\",\"url\":\"\/\/www.gravatar.com\/avatar\/93b8d6f4cc712a3a5c942430cca87e87?s=96&#038;r=g&#038;d=mm\",\"contentUrl\":\"\/\/www.gravatar.com\/avatar\/93b8d6f4cc712a3a5c942430cca87e87?s=96&#038;r=g&#038;d=mm\",\"caption\":\"janvier\"},\"url\":\"https:\/\/indundiculture.com\/magazine\/members\/janvier\/\"}]}<\/script>\n<!-- \/ Yoast SEO plugin. -->","yoast_head_json":{"title":"Ijambo umukuru w'igihugu yashikirije yipfuriza umwaka mwiza w'2019 abarundi n'ababa mu Burundi - Indundi Culture | Magazine","robots":{"index":"index","follow":"follow","max-snippet":"max-snippet:-1","max-image-preview":"max-image-preview:large","max-video-preview":"max-video-preview:-1"},"canonical":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/","og_locale":"en_US","og_type":"article","og_title":"Ijambo umukuru w'igihugu yashikirije yipfuriza umwaka mwiza w'2019 abarundi n'ababa mu Burundi - Indundi Culture | Magazine","og_description":"Barundi barundikazi, Umwaka w\u20192018 urarangiye, uw\u20192019 nawo uratanguye. Turashimiye cane Imana Mushoboravyose ku vyiza vyinshi yadukoreye muri uyu mwaka turangije, twongera tuyisaba kugumana natwe muri uyu mwaka mushasha dutanguye. Turipfurije Abarundi bose, aho bari hose, umwaka muhire, umwaka w\u2019amagara meza, amahoro, umutekano, ubutungane, iterambere n\u2019imigisha ikomoka ku Mana. Uzotubere umwaka wo kurushirizaho kuzirikana Igihugu cacu, [&hellip;]","og_url":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/","og_site_name":"Indundi Culture | Magazine","article_published_time":"2018-12-31T14:02:48+00:00","og_image":[{"url":"http:\/\/indundi.com\/wp-content\/uploads\/2018\/12\/Nkurunziza-1024x683.jpg"}],"author":"janvier","twitter_card":"summary_large_image","twitter_misc":{"Written by":"janvier","Est. reading time":"11 minutes"},"schema":{"@context":"https:\/\/schema.org","@graph":[{"@type":"WebPage","@id":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/","url":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/","name":"Ijambo umukuru w'igihugu yashikirije yipfuriza umwaka mwiza w'2019 abarundi n'ababa mu Burundi - Indundi Culture | Magazine","isPartOf":{"@id":"https:\/\/indundiculture.com\/magazine\/#website"},"datePublished":"2018-12-31T14:02:48+00:00","dateModified":"2018-12-31T14:02:48+00:00","author":{"@id":"https:\/\/indundiculture.com\/magazine\/#\/schema\/person\/dd28c84d43ef99ec2da1bfc4b42bc814"},"breadcrumb":{"@id":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/#breadcrumb"},"inLanguage":"en-US","potentialAction":[{"@type":"ReadAction","target":["https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/"]}]},{"@type":"BreadcrumbList","@id":"https:\/\/indundiculture.com\/magazine\/burundi-ijambo-umukuru-wigihugu-yashikirije-yipfuriza-umwaka-mwiza-w2019-abarundi-nababa-mu-burundi\/#breadcrumb","itemListElement":[{"@type":"ListItem","position":1,"name":"Home","item":"https:\/\/indundiculture.com\/magazine\/"},{"@type":"ListItem","position":2,"name":"Ijambo umukuru w&#8217;igihugu yashikirije yipfuriza umwaka mwiza w&#8217;2019 abarundi n&#8217;ababa mu Burundi"}]},{"@type":"WebSite","@id":"https:\/\/indundiculture.com\/magazine\/#website","url":"https:\/\/indundiculture.com\/magazine\/","name":"Indundi Culture | Magazine","description":"Burundi Entertainment","potentialAction":[{"@type":"SearchAction","target":{"@type":"EntryPoint","urlTemplate":"https:\/\/indundiculture.com\/magazine\/?s={search_term_string}"},"query-input":"required name=search_term_string"}],"inLanguage":"en-US"},{"@type":"Person","@id":"https:\/\/indundiculture.com\/magazine\/#\/schema\/person\/dd28c84d43ef99ec2da1bfc4b42bc814","name":"janvier","image":{"@type":"ImageObject","inLanguage":"en-US","@id":"https:\/\/indundiculture.com\/magazine\/#\/schema\/person\/image\/","url":"\/\/www.gravatar.com\/avatar\/93b8d6f4cc712a3a5c942430cca87e87?s=96&#038;r=g&#038;d=mm","contentUrl":"\/\/www.gravatar.com\/avatar\/93b8d6f4cc712a3a5c942430cca87e87?s=96&#038;r=g&#038;d=mm","caption":"janvier"},"url":"https:\/\/indundiculture.com\/magazine\/members\/janvier\/"}]}},"_links":{"self":[{"href":"https:\/\/indundiculture.com\/magazine\/wp-json\/wp\/v2\/posts\/830","targetHints":{"allow":["GET"]}}],"collection":[{"href":"https:\/\/indundiculture.com\/magazine\/wp-json\/wp\/v2\/posts"}],"about":[{"href":"https:\/\/indundiculture.com\/magazine\/wp-json\/wp\/v2\/types\/post"}],"author":[{"embeddable":true,"href":"https:\/\/indundiculture.com\/magazine\/wp-json\/wp\/v2\/users\/5"}],"replies":[{"embeddable":true,"href":"https:\/\/indundiculture.com\/magazine\/wp-json\/wp\/v2\/comments?post=830"}],"version-history":[{"count":0,"href":"https:\/\/indundiculture.com\/magazine\/wp-json\/wp\/v2\/posts\/830\/revisions"}],"wp:attachment":[{"href":"https:\/\/indundiculture.com\/magazine\/wp-json\/wp\/v2\/media?parent=830"}],"wp:term":[{"taxonomy":"category","embeddable":true,"href":"https:\/\/indundiculture.com\/magazine\/wp-json\/wp\/v2\/categories?post=830"},{"taxonomy":"post_tag","embeddable":true,"href":"https:\/\/indundiculture.com\/magazine\/wp-json\/wp\/v2\/tags?post=830"}],"curies":[{"name":"wp","href":"https:\/\/api.w.org\/{rel}","templated":true}]}}