Bamwita Ndikumana Djuma mu mwaka uheze yasamira Ngozi City yakorotse mu cicaro ca kabiri muri kino gihe asamira umugwi Onlympic Star w’i Muyinga .
Mu nkino 5 z’ihiganwa rya Primus league Umugwi Onlympic Star umaze gukina , uwo munyegori amaze gukina inkino 4 abura urukino rumwe gusa ku mvo z’uko atari bwaronke ivyangombwa , rukaba ari urwabahuje bakinye na Aigle Noire .
Kuva yinjiriye mu kibuga nta gitsindo na kimwe baramwinjiza mw’igori ryiwe Aho twovuga mu rukino rwabahuje na buja City batsinze 2-0, urwabahuje na Messager Ngozi batsinze 2-0 , urwabahuje na Bumamuru batsinze 2-0 , mugihe urwabahuje na Muzinga narwo nyene batsinze igitsindo 1-0.
Umugwi Olympic Star ukaba ariwo ubarizwa mu kibanza ca mbere vy’imfata kibanza n’amanota 12 .
Ndikumana Djuma akaba amenyereye ihiganwa ryo mu cicaro ca mbere bivanye n’imigwi amaze gukinamwo amaze gukinira imigwi ya Ngozi City , Royal Fc , Les Elephants, Magara Stars muri kino gihe asanzwe ari Olympic Star .