Ku musi wa Gatanu Igenekerezo rya 24 Mukakaro 2020 , niho Umugwi Muzinga Fc wahaye amasezerano Bimenyimana Robert yigeze kuba umuyobozi mu bijanye n’ubuhinga mu Mugwi Muzinga Fc .
Bimenyimana Robert akaba yahawe amasezerano yo kumenyereza umugiwi Muzinga Fc mu kiringo c’umwaka .
Ni umwe mu bagabo asanzwe afise licence C ya CAF ibishobora kuba vyatumye ahabwa amasezerano yo kumenyereza uwo Mugwi w’igisirikare c’uburundi Muzinga Fc bivanye n’uko mw’ihiganwa rya Primus league ryo mu mwaka wa 2020-2021 abemerewe kuhamenyereza ni abafise iyo licence ya C ya CAF.
Robert amaze kumenyereza imigwi itari mike nka les crocos, Les jeunes Athletic , Rumonge City , Transport , New Oil , Inter Star , les lierres hamwe na Muzinga Fc yasubiyemwo muri kino gihe.
