Inyuma yaho ubuyobozi bw’umupira w’amaguru mu Burundi FFB ( Direction Téchnique)bushikirije amategeko mpuzamakungu bwahawe na CAF avuga ko ata mumenyereza n’umwe yemerewe kumumenyereza umugwi uwariwo wose wo mu cicaro ca mbere mw’ihiganwa ry’umwaka wa 2020-2021 adafise Licence C,Burundi Sports Dynamik yazanye uwagiye kurahura ubwenge hakurya y’amazi.
Kumvo zuko umugwi Burundi Sports Dynamik wari ufise umumenyereza Nsabimana Bakari afise licence D, waciye wikora kumumenyereza mushasha bazofashanya yavyigiye ku mu mugabane wa bulayi mu gihugu c’Ububirigi akaba afise Licence B ya UEFA.
Mugunga Dieudonné akaba yigeze gukinira imigwi nka Maniema Fanaatic ya hano iwacu hamwe na Kiyovu Sports mu gihugu c’urwanda .
– Mu mwaka wa (2012-2013) yamenyereje Academy ya AEDEC Hyon yo mu bubirigi.
– mu mwaka wa 2013-2014 umumenyereza wa IEDEC Hyon yo mu bubirigi .
– Mu mwaka 2014-2015 yamenyereje umugwi wa IEDEC U 17 Hyon wo mu bubirigi.
-Mu mwaka 2014-2015 yamenyereje Umugwi wa IEDEC U 19 Hyon wo mu bubirigi
– Mu mwaka 2015-2016 yamenyereje Umugwi wa IEDEC wa U 21 Hyon wo mu bubirigi .
– Mu mwaka wa 2016-2019 yamenyereje Umugwi wa Athletico Olympic wa hano iwacu
– Mu mwaka wa 2019-2020 yamenyereje umugwi wa Kiyovu Sports wo mu gihugu cc’urwanda.
Ibi nivyo vyigwa amaze gukora mu bijanye n’ubumenyereza :
1) 2013 : Attestation de Moniteur Sportif Initiateur D’ADEPS
2) 2014 : Attestation de Moniteur Sportif Educateur D’ADEPS
3)2014: Brevet C de l’école Fédérale des Entraineurs de Football
4) 2015: Brevet B de l’école Fédérale des entraineurs de Football
5) 2016: Diplome UEFA B de l’école Federale des entraineurs de football en Belgique
6) Certificat d’entreneur de Football d’elite
Gushika ubu indundi Sport ikaba itaramenya neza amasezerano yagiraniye n’uwo mugwi, kiretse ko amakuru ava kuri Manager Mutima Constatin ajejwe kugura abakinyi muri BS Dynamik atumenyesha ko uwo mumenyereza agiye gutangura akazi kuri uyu wa mbere igenekerezo rya 10 Myandagaro Isaha icenda 15h00 Ku kibuga ca DCA.
