Kizigenza w’intamba mu rugamba Saido Berahino agiye gusubira mu gihugu c’Ubwongereza.
Kuri uyu wa kabiri igenekerezo rya 31 Myandagaro 2021 niwo musi wa nyuma w’igura n’igurishwa ry’abakinyi kumugabane wa buraya .
Iyo nkuru ikaba yandtswe n’ibinyamakuru nka Theatletic , Sunsport hamwe na BBC vyo mu bwongereza aho bivuga y’uko Saido Berahino agiye kwerekeza mu mugwi Shiffield Wednesday Fc ukina mw’ihiganwa ryo mu cicaro ca kabiri mu Bwongereza League One .
Uwo mugwi Shiffield Wednesday ukaba uhagaze mu kibanza ca kabiri inyuma y’umugwi Sunderland uri mu kibanza ca mbere.
Saido Berahino akaba yakuriye mu Bwongereza akinira imigwi ya Wesbrom , hamwe na Stock City.
Mwomenya y’uko Saido Berahino yahora akinira umugwi Zulte Werregem ukina mu cicaro ca mbere mu gihugu c’Ububirigi.
