Abakozi barenga mirongo ibiri b’abanyamahanga bakora mu mashirahamwe arenga ijana na mirongo ibiri nibo vyabonetse ko bakora batagira impusha mu bushikiranganji bw’abakozi n’akazi.
Umushikiranganji aburongoye Domine Banyankimbona yabimenyesheje kuri uyu wa gatanu, igenekerezo rya 30 Gitugutu 2020 aho yariko arashikiriza ivyaranguwe mu bushikiranganji arongoye mu mezi atatu ya mbere y’umwaka w’2020 ushira uw’2021.
Domine Banyankimbona yamenyesheje kandi ko inama nshikiranganji yemeje integuro y’ubuhinga y’umugambi wo gukuraho ubusumbasumbane bw’imishahara mu bakozi ba Reta.