Ibanki y’urwaruka BIJE yaraye itanguye ibikorwa ku murwa mukuru wa poritike Gitega yatanguye kwakira irwaruka ruhurikiye mu makoperative rwipfuza ingurane izobafasha kurangura imigambi yarwo.
Mu birori vyo kwugurura iyo banki vyari vyatewe iteka n’umushikiranganji w’urwaruka Ezéchiel Nibigira yamenyesheje ko iyo banki yaronkejwe uburenganzira bwo gukora nk’izindi banki z’ubudandaji, ikaba itegekanya kwugurura amashami muri uyu mwaka nyene w’2021 mu bisagara bitatu harimwo igisagara ca Bujumbura hamwe n’igisagara c’i Ngozi.
Iyo banki BIJE ngo izotanga ingurane ku rwaruka itarinze gusaba ingwati kandi ikaka inyungu ntoya izoba ingana n’ibice 7 kw’ijana nk’uko bishikirizwa n’umuyobozi w’iyo banki Sixte Niyuhire.