kuri uwu wa Kabiri igenekerezo rya 28 Ruheshi 2022, ku kigo c’ubuhinga ( Centre Technique National ), Ishirahamwe ry’umupira w’amaguru mu Burundi FFB , ryagiraniye amasezerano n’ Ishirahamwe Lumitel aho iryo shirahamwe ryiyemeje gutanga amafaranga agera ku miriyoni amajana ane na ziranu ( 405.000.000 Fbu) mu kiringo c’imyaka 3 , n’ukuvuga 135.000.000 Fbu ku mwaka .
Ayo masezerano akaba yari mu ntumbero yo gushigikira ihiganwa ry’icicaro ca mbere ry’umupira w’amaguru w’abigeme mu Burundi .
Mwomenyako iryo higanwa rizoca rinahindura izina ryitwe Lumitel Womens League nk’uko vyashikirijwe n’uwutwara FFB Gén de Brigade de Police Muyenge Alexandre .