Umugwi Aigle Noir Cs waraye unganije na Chipukizi Fc muri rya higanwa rya Mapinduzi Cup ririko ribera mw’izinga rya Zanzibar .
Hari kuri uyu wa mbere igenekerezo rya 02 Nzero 2023 , aho umugwi Aigle Noir Cs wa hano iwacu wari uramutse utana mu mitwe na Chipukizi Fc mu rukino rwa mbere rwa Mapinduzi Cup , urwo rukino rwarangiye imigwi yose inganije igitsindo 1-1.
Aigle Noir Cs ukaba ariyo yatanguye kwinjiza igitsindo biciye kuri Penariti , igitsinco cinjijwe na Collin Muhindo ariko munyuma kiza kugomborwa gutyo iminota 90 irangira imigwi yose inganije .
Abakinyi ba Aigle Noir Cs vyaraboneka ko bataramenyerana bikwiye bivanye n’ingene bavanze abakinyi ba Aigle Noir hamwe na Tigre Noir Cs .
Mwomenya ko urukino rugira kabiri Aigle Noir izohura na Namungo Fc ikinamwo Nahimana Jonathan igenekerezo rya 06 Nzero 2023.
