Umurwi Magara Young waraye ugiraniye amasezerano yo kuza urambikwa n‘ishirahamwe NOBAC .
Hari kuri uyu wa kabiri igenekerezo rya 07 Ruhuhuma 2023 aho umurwi Magara Young Boys ukina mu cicaro ca mbere muri Primus League waronka ishirahamwe rigiye kuzohora riwuha ibikoresho nk’ivyambarwa n’ibindi vyankenerwa mu mupira w’amaguru.
Iryo shirahamwe ryemeranije na Magara Young ko rizobatereea ivyo vyambarwa bifise agaciro k’imiriyoni 150 mu kiringo c’imyaka 5.
Bandyatuyaga Alexis arongoye umurwi Magara Young Boys , yaboneyeho akaryo ko gushimira iryo shirahamwe kubona ryemeye kuza rirambika umurwi wabo aca asaba n’ayandi mashirahamwe atandukanye ko nayo nyene yokubita agatimba mpembero akaza kubafata mu mugongo mu bindi bintu bitandukanye .
Nayo kuruhande rw’ishirahamwe NOBAC , bavuga ko bashimye gushigikira Magara Young Boys bivanye nuko babonye hariho ahantu bobashikana mu bijanye no kumenyekanisha ishirahamwe ryabo .
Mwomenya ko Magara Young Boys uri mu kibanza c’umunani mw’ihiganwa rya Primus League .
