Abahagarikizi mpuzamakungu b’abarundi babandanya bizerwa na CAF kugira bazohore bahagarikira inkino za CAF Champions League canke CAF Confederation Cup.
Kuri uyu wa kane igenekerezo rya 21/10/2021, niho abahagarikizi mpuzamakungu bane b’abarundi bashika neza mu gihugu ca Egypte mu ntumbero yo guhagarikira urukino rwa CAF Confederation Cup ruzohuza umugwi Pyramid wo muri Egypte hamwe na Azam Fc wo mu gihugu ca Tanzania.
Urwo rukino rukaba rutegekanijwe kuba ku musi wa gatandatu igenekerezo rya 23 Gitugutu 2021 isaha zitatu z’ijoro ku masaha ya hano iwacu.
