Umukinyi w’umusatirizi w’umurundi Amissi Tambwe abandanya yigenza neza mw’ihiganwa ryo mu cicaro ca mbere muri Djibouti .
Kuri uwu wa gatanu igenekerezo rya 17 Ndamukiza 2021, ihiganwa ryo mu gihugu ca Djibouti ryari ryabandanije ku ndwi yaryo ya 17 , aho Umugwi Police Fc ukinamwo abarundi nka Tambwe Amissi , Arakaza Mac Arthur hamwe na Kaze Gilbert Demunga wari wakiriye umugwi Baruako Fc , urwo rukino rwangiye ari ibitsindo 3 -0 vya Police Fc .
Muri ivyo bitsindo bitatu Police Fc yinjije harimwo ibitsindo 2 vy’umusatirizi w’umurundi Amissi Tambwe .
Ivyo bikaba vyaciye bituma Amisi Tambwe ashikana ibitsindo 17 mu nkino 16 amaze gukinira Umugwi police Fc .
Mwomenya y’uko umugwi Police Fc uri mu kibanza ca Gatatu n’amanota 32 mu nkino 17 umaze gukina .
