Inyuma ya Youssuf Ndayishimiye Nyange yaraye aguzwe kw’igenekerezo rya 02Ruhuhuma na Istanbul Basaksehir imikuye muri Yeni Malatyasport , Umugwi Yeni-Malatyasport waciye uha amasezerano abakinyi babiri b’intamba mu rugamba bari bamaze imisi bariko bageragezwa.
Eric Ndizeye Kizigenza w’umugwi Musongati Fc hamwe na Nshimirimana Jospin yari asanzwe akinira Aigle Noir bose hamwe bakaba bahawe amasezerano yo gukinira Umugwi Yeni Malatyasport mu kiringo c’imyaka Itatu n’igice 3,5.
Mwomenya ko abo bakinyi bose bari bahawe amahirwe yo gukinira inkino zibiri zo kurindera itike ryo kwitabira CAN 2022 zahuje Uburundi na Mauritania mu mwaka uheze .
