Ata gukekeranya umumenyereza w’umugwi Vital’o Fc akongera akaba icegera c’umumenyereza w’intamba mu rugamba Alain Olivier Niyingeko niwe yatahukanye agashimwe gasanzwe gatangwa na BCM Burundi nk’umumenyereza yigenjeje neza kurusha abandi mu kwezi kwa Munyonyo 2020.
Ako gashimwe k’umumenyereza gahora gatangwa buri kwezi yagatsindiye inyuma yo gutahukana amanota 12/12 mu nkino zine yakinye muri uko kwezi.
Iyindi migwi yamukurikiye yaronse amanota akurikira :
– Aigle Noir Cs 9/12
– Burundi Sport Dynamique 9/12
– Flambeau du Centre 8/12
– Rukinzo Fc 7/12
Ku musi ako gashimwe kazotangirwako muzobimenyeshwa hanyuma.
Mwomenya y’uko BCM Burundi izomuha agashimwe kangaha n’amafaranga ibihumbi ijana 100,000Fb hamwe na Trophé.
Indundi Sports ikaba ikeje Alain Olivier Niyungeko ingene yitwaye mu nkino zine ziheruka kuko ntiyegeze atazaka urukono na rumwe.
