Umukinyi Mpuzamakungu w’Umurundi Mabano shabani ari mu bihe vyiza mw’ihiganwa ryo mu cicaro ca mbere muri Djibouti aho yafashije umurwi w’iwe kuzokwitabira inkino z’imorwi yabaye iya mbere mu bihugu iwabo .
Kuri uyu wa kane igenekerezo rya 23 Rusama 2024 , niho umugwi As Port usanzwe ukina mu cicaro ca mbere mw’ihiganwa rya Djibouti wakina urukino rw’igice ca Kabiri gishira icanyuma c’igikombe ca Djibouti ( Coupe de Djibouti) , urwo rukino rwarangiye As Port itsinze CF GR/SIAF igitsindo 1-0.
Ico gitsindo ca As Port cinjijwe n’umukinyi wo hagati w’Umurundi Mabano Shabani , ivyanatumye uwo mugwi ukatisha itike yo gukina urukino rwanyuma rwa Finale ruzoyihuza n’umugwi As Solart .
Bivanye n’uko As Solar 7 ariwo wafashe ikibanza ca mbere mw’ihiganwa ryo mu cicaro cambere muri Djibouti , ukaba ari nawo uzokina urukino rwanyuma na As Port , iyo migwi yose niyo izokwitabira inkino Mpuzamakungu za CAF , ni ukuvuga As Arya Solar 7 izokwitabira CAF Champions League , mugihe As Port izokwitabira Confederation Cup .
Mw’ihiganwa rya Djibouti As Arta Solar 7 , niyo ifata ikibanza ca mbere mugihe As Port yoyo ifata ikibanza ca 3.
Mabano Shabani yaciye mu migwi ya hano iwacu nka Aigle Noir , Kayanza United , hamwe na Bumamuru FC ndetse ni muyindi migwi .
