Umuririmvyikazi Natacha Ngendabanka (La Number) yari kwifatanya na basazawe mu muziki aribo Big Fizzo na Sat-b ngo ntivyahavuye bikunda kumpamvu z’uko akanoti yabasavye babonye atako boronka.
Uwusanzwe ahagarariye ibikorwa vya Natacha ariwe Raphael NYANDWI atangura gushima itunganywa ry’iryo higanwa ryari rimaze imyaka igera kuri itanu5 ritariko riraboneka.
Raphael akaba yagize ati : “Nukuri tubanje gushima igaruka rya Primusic kuko ni ihiganwa ryiza riha akaryo umuririmvyi akiri hasi gushira impano yiwe ahabona. Ariko uburyo twahawe ntibwari buke canke ngo bube bwishi ahubwo bwari bubayabaye rero bivanye na Brand y’izina y’umuririmvyi wacu uburyo twahawe niyo mpamvu tutabwemeye kuko ibikorwa turiko turakora bisaba uburyo kanatsinda umuziki w’ubu utandukanye n’uwakera kuko ubu ushiramwo uburyo kugira uronke umwimbu mwiza akaba ari nayo mpamvu twasavye agafaranga kegereye haruguru aho ni nkokuvuga igice c’ayo bazoha umuririmvyi w’umunyamahanga azoza guteramisha muri Final ya Primusic.
Aho uwo asanzwe avugira akanahagararira ibikorwa vya Natacha ariwe NYANDWI Raphael yabandanije avuga ko abo babarondeye ari incuti kandi ata mutima mubi urimwo ahubwo n’ejo bobikorerako bagashaka kujana nabo mu ntara imwe canke zibiri ndetse n’izirenga boza bakavugana ngo kuribo imiryango iruguruye n’aho biruko.
