Nk’uko tubikura mu kinyamakuru” www.lemonde.fr/Afrique ” ngo inzige ziriko zirabica bigacika mu bihugu vya Afrika y’ubuseruko za Kenya, Ethiopia na Somalia.
Ishiramwe mpuzamakungu ONU ngo ryarateye akamo ritabaza hirya y’ejo ku musi wa mbere, aho rimenyesha ko atagikozwe ngo zituzwe izo nzige zizohava zisiga abantu mu kigoyi.
Ishirahamwe FAO, mw’itangazo ryashize ahabona , ku musi wa mbere , ryarateye akamo aho riminyesha ko bikenewe vuba bwango ko nyabuna izo nzige zihagurukirwa ku buryo budasanzwe zigatuzwa kuko ngo ari igitero gikomeye ku vyimburwa.
Iryo shirahamwo nyene FAO ngo rimeneyesha ko rikeneye vuba bwango amafaranga angana na millioni mirongo itandatu na zitanu , n’igice z’amafaranga y’amanyaburayi Euros ngo bakingire ivyimburwa muri ivyo bihugu biza vyatewe.
Abihweza uburake izo nzige ziriko ziratera ivyo bihugu, ngo n’ibihugu bibanyi biravye nabi bizohava biterwa.
