Kur’uyu wa mbere igenekerezo rya kabiri Ntwarante 2020,niho umukuru w’inama Nkenguzamateka Nyakubahwa Réverien Ndikuriyo akongera akaba ariwe arongoye FFB, yamenyesheje akoresheje ubuhinga ngurukanabumenyi Facebook,ko umurwi wa ‘‘Aigle Noir C.S the fighters” , ubicishije kuri Academie Aigle Noir uriko uritegurira gushira umukono ku masezerano yo gufashanya n’ishirahamwa Eurasia Institute ryo mu gihugu c’ubudagi.
Akaba yanditse ati:
“Umurwi wa AIGLE NOIR C.S THE FIGHTERS, ubicishije kuri ACADEMIE AIGLE NOIR uritegurira gushira umukono ku masezerano yo gufashanya n’ishirahamwe EURASIA INSTITUTE ryo mu gihugu ca’Ubudagi. Muri ayo masezerano yo gufashanya n’iryo shirahamwe rikazoza rirakira abakinyi ba AIGLE NOIR C.S THE FIGHTERS kira mwaka bakazohora baja muri camps d’entrainement muri ico gihugu.”
ACADEMIE AIGLE NOIR niyo izohora itegekanya igitigiri c’abakinyi borungikwa bivanye n’urugero (niveau) umukinyi wese azoba agezeko .
Bikaboneka yuko umurwi wa AIGLE NOIR THE FIGHTERS uzokura muri ayo masezerano akunguko gakomeye kuko hozoba hari amahirwe menshi y’ukugurwa n’iryo shirahamwe.