Kuri uyu wa Gatandatu igenekerezo rya 27 Ruheshi 2020, ihiganwa ryo mu gihugu ca Turky ryari riteye ku ndwi yaryo ya 29 .
Umugwi fenerbahce wari wakiriye umugwi Yeni Malatya Sport ukinamwo umukinyi w’intamba mu rugamba Ndayishimiye Youssuf nyange ,urwo rukino rukaba rwarangiye Fenerbah wirahiye Yeni -Malatya Sport ibitsindo 3-2.
Naho batakaje urwo rukino Youssuf Nyange yateturuye umugwi wiwe mu kuwutsindira igitsindo ndetse aranatanga n’umupira uvyara igitsindo .
fenerbahce niwo yatanguye gutsinda igitsindo ca mbere biciye kuwitwa Muriqi Ku munota wa 70 w’urukino , Ndayishimiye Youssuf Nyange arakigombora Ku munota wa 81, asubira atanga umupira mwiza uvyara igitsindo ca kabiri cinjijwe na Donald Ku munota wa 89 , ugusamara kw’abakinyi binyuma b’umugwi Yeni -Malatya Sport kwatumye umukinyi Tufan agombora igitsindo ca kabiri Ku munota w’inyongera ni ukuvuga umunota wa 91 asubira kandi atsinda ica gatatu Ku munota wa 96 urukino rurangira fenerbahce utsinze 3-2 .
Rikaba ribaye irigira kabiri uwo mukinyi wa kera wa Aigle Noir yitwaye neza no mu rukino ruheruka yataze umupira mwiza wavyaye igitsindo ca kabiri arico cabahaye itsinzi .
Mwomenya ko urwo ari urukino rugira Kane Ndayishimiye Youssuf Nyange akina muri uwo Mugwi Yeni Malatya Sport .