Uruhombo rw’ishirahamwe ONATEL mu mwaka 2019, ibiharuro vyerekana ko rugera ku mafaranga imiriyaridi 10 z’amarundi. Ni mu gihe rwagera ku yarenga imiriyaridi 3 mu mwaka wa 2015. Iryo shirahamwe ngo rikaba rifise amadeni arenga imiriyaridi 100.
Ivyo biharuro vyerekanywe kuri uyu wa kane mu gihe umushikiranganji wa mbere Alain Guillaume Bunyoni yabonanye n’abakozi biryo shirahamwe.
Kuri ubwo butunzi bwasubiye inyuma, umushikiranganji wa mbere yasavye ko hojaho vyihuta umugwi ujejwe gusuzuma ivyatumye iryo shirahamwe rihomba. Alain Guillaume Bunyoni yatanze ikiringo kitarenze iminsi 30 kuba batanze icegeranyo c’ingingo mfatakibanza.