Umumenyereza Joslin Bipfubusa yari yafashije Bumamuru gutahukana igikombe c’Umukuru w’igihugu c’umwaka 2021-2022 munyuma aca yerekeza muri Tanzania yagarutse muri uwo murwi .
Joslin Bipfubusa yahora amenyereza umurwi Polisi Fc wo mu gihigu ca Tanzania niwe agiye kumenyerezwa umurwi Bumamuru Fc wo mu ntara ya Cibitoke .
Vivier Bahati nawe yahora ari umumenyereza mukuru w’uwo murwi nawe yagizwe umwunganizi wiwe .
Umurwi Bumamuru Fc niwo warangije igice ca mbere c’ihiganwa rya Primus League uri mu kibanza ca mbere n’amanota 32 kuri 45 . ikaba yarashoboye gutsinda inkino 9 inganya 5 itsindwa urukino rumwe gusa .
Mwomenyako Joslin Bipfubusa asanzwe ari imvukira yo mu ntara ya Cibitoke .
