Umurwi Inter Star waraye ugendewe n’umwe mu bakunzi bawo akomeye aba hanze .
Hari kuri uwu wa kabiri igenekerezo rya 07 Ruhuhuma umwaka wa 2023 , niho umwe mu barundi aba mu bwongereza yama ashigikira umurwi Inter Star Mohammed yarashoboye kugendera abakinyi buwo murwi mu ntumbero yo gusangira nabo ndetse no kubatera intege .
Inyuma yaho uwurongoye Inter Star Mpingwe Amissi Willy yaciye aboneraho n’akaryo ko kuhemba imishahara abakinyi ndetse no kubereka ibiro vy’uwo muri Quartier Rohero kuri Avenue de l’Universite .
Gushika muri kino gihe umurwi Inter Star ubandanya uvyitwaramwo neza cane aho mu nkino zo gusubiriza umaze gutsinda inkino zibiri unganya urukino rumwe .
