Imirwi ibiri yo mw’Ishirahamwe ry’umupira w’amaguru mu ntara ya Bujumbura niyo yaronse uburenganzira bwo kuja mu nkino z’amajonjora mu ntumbero yo kurondera imirwi izoduga .
Hari kuri uyu w’Imana igenekerezo rya 27 Rusama 2023 Isaha indwi z’umurango ( 13h00) ku kibuga ca Centre Jeune Gatumba aho urukino rwa mbere rwo kurondera umurwi uzoserukira intara ya Bujumbura rwatangura . Espoir Academy irongowe n’uwahoze ari Kizigenza w’Intamba mu rugamba Juma Mossi yahuye n’umurwi bavukana wa Espoir Fc , urwo rukino rwarangiye Espoir Academy itsinze ibitsindo 2-1.
Isaha icenda (15h00) umurwi Delta Star nawo wahuye na Econet ariko birangira Delta itsinze ibitsindo 3 ku 0.
Mu kibuka ko izo zari inkino zanyuma zo mucicaro ca 3 mu ntara ya Bujumbura.