Ku ncuro igira icumi, insamirizi Isanganiro yasubiriye kandi gutunganya ihiganwa Isanganiro Awards, hakaba hanamaze gushirwa ahabona indirimbo 20 zizohiganirwa ikibanza ca 1 muri iryo higanwa ritanguye kutabonwa neza.
Kuri urwo rutonde, ntihabashije kubonekamwo nko mu mwaka uheze abo muri Diaspora, habonetse abigeme, abakora umudiho wa Rap eka n’abaririmvyi b’indirimbo zihimbaza Imana.
Kuri urwo rutonde nyene, hari abaririmvyi bagarutse incuro zibiri zibiri, abo nabo ni nka MB Data na Esther Nish. Kuri urwo rutonde kandi hanabonetsemwo umugwi Etoile du Centre nabo baheruka gusubira kumara inyota abakunzi babo.
Kuri urwo rutonde, umuririmvyi Double Jay yatahukanye iryo higanwa mu mwaka uheze, akaba atabashije kubonekamwo kandi ariko Kirikou mugenziwe banaririmbanye iyiheruka gutwara ico kibanza we akaba yabonetsemwo.
Mukamenya ko izo ndirimbo zidatorwa na Isanganiro, ahubwo abamenyeshamakuru n’aba Dj aribo batanga indirimbo 10 zakunzwe noneho bagatoramwo 20 zagarutse kenshi.
Urwo rutonde ni uru rukurikira:
1. Yoo by Trey Zo and Rappy Boy
2. Indyarya by Emery Sun
3. Away by We love music
4. Pakuchena by Natacha
5. Hahiye by Alvin Smith
6. Ekissa by Victorious team
7. Come and see by Ester Nish
8. Kora by B Face
9. Arabesha by Meili
10. Malo by We love music
11. Timbirako by Mb Data
12. Bandyayera by Mb Data
13. Burundi bwanje by Tetero Laurette
14. Ntunkologe by Ester Nish
15. Aka kera by B Face
16. Uri mwiza by Bonaventure Nick
17. Biraharawe by Kilikou
18. Yakoze ibikomeye by Pin Paj
19. Gufosinga by Étoile du centre
20. Boss by Olegue