Itoni zirenga ibihumbi 10 niwo mwimbu w’icayi wabonetse mu mwaka w’2019 ushira uw’2020.
Bishikirizwa n’uwurongoye ihinguriro ry’icayi OTB aho yabishikirije mu nama yabereye mw’Ijenda muri komine Mugongomanga intara ya Bujumbura, inama yari yahuje intara zirima icayi hamwe n’abandi baterera muri ico gisata.
Jacques Bigirimana yamenyesheje ko hariho abarimyi batanguye gusubiriza ico giterwa n’ibindi mbumbarugo. Asaba abajejwe intwaro gufasha kugira iyo nyifato ihagarare. Asigura ko ico giterwa kigira kabiri mu vyinjiza amafaranga y’agaciro.
