Abanywanyi b’imigambwe ihurikiye mu runani Copa 2020 bahamagariwe gutora Evariste Ndayishimiye yashizwe imbere n’umugambwe CNDD-FDD ngo awuserukire mu matora y’umukuru w’igihugu ategekanijwe muri Rusama 2020.
Yamara naho biri uko, mu kiganiro yahaye abamenyeshamakuru kuri uyu wa gatatu igenekerezo rya 1 Ndamukiza 2020, Jean de Dieu Mutabazi arongoye urwo runani yamenyesheje ko abanywanyi b’iyo migambwe bazotora abahurikiye muri urwo runani mu matora y’abashingamateka n’ay’abajenama b’amakominr ategekanijwe mu kwezi kwa Rusama nyene.