Sentare ijejwe kwubahiriza ibwirizwa nshingiro yemeje, ku muhingamo wo kuri uyu wa kane igenekerezo rya 4 Ruheshi 2020, ko Evariste Ndayishimiye yaserukiye umugambwe CNDD FDD, ariwe yatsinze amatora y’umukuru w’igihugu yabaye kuwa 20 Rusama 2020.
Iyo sentare yasiguye ko yasanze ibirego vyatanzwe n’umugambwe CNL ku tunenge wavuga ko twabaye muri ayo matora bidafashe. Umugambwe CNDD FDD uza mu kibanza ca mbere mu matora yose.
Kubw’iyo ngingo ya sentare, mu kibanza c’abashingamateka, umugambwe CNDD FDD ufise intebe 86, CNL 32, UPRONA intebe 2 hamwe n’intebe 3 z’abo mu bwoko bw’abatwa.
