Reta y’Uburundi itegekanya kuzorangura muri uyu mwaka w’2020 ushira uw’2021, imigambi y’iterambere igera kuri icumi n’itanu nk’uko biherutse gushikirizwa mu nama nshingamateka na nkenguzamateka zemeje iyo migambi.
Ugushigikira imigambi y’iterambere biciye mu ma koperative yo ku mitumba ku buryo burenga imiliyaridi mirongo umunani n’indwi (87 milliards) hamwe n’ukubandanya kwubaka urugomero rw’umuyagankuba rwa Rusumo Falls, ni imwe muri iyo migambi icumi n’itanu Reta y’Uburundi itegekanya kuzorangura.
Integuro y’itegeko rigenga amafaranga Reta izokoresha, iherutse kwemezwa n’imama nshingamateka na nkenguzamateka , yerekana ko hari ingingo nshasha zashizwemwo. Aha tukavuga nk’ingingo ya 40 ivuga ivyerekeye amasoko ya Reta.
