Mu gatondo ku kuri uno wa gatatu igenekerezo rya 6 Ntwarante umwaka w’2019, ubushikiranganji bw’umutekano no gukinga ibiza bubicishije ku muvugizi wabwo OPP1 Petero Nkurikiye bwerekanye umuntu yagirizwa guturira umuntu abona muri zone nyakabiga mu gisagara ca Bujumbura mu myiyerekano yo mu mwaka w’2015.
Umuvugizi w’ubwo bushikiranganji yasiguye ko uwo mugizi wa nabi azwi ku mazina ya Ntakirutimana Célestin ari we yiyemerera ubwiwe ko yatanze itegeko ryo guturira umuhisi Léonidas Misago. OPP1 Pierre Nkurikiye yaboneyeho akaryo ko kumenyesha ko yaba ababatumye canke abakoze amabi mu myiyerekano yo mu mwaka w’2015 bazobandanya baronderwa bashikirizwe ubutungane.
Ntakirutimana Célestin akaba yaheruka gufatwa n’abajejwe umutekano kw’igenekerezo rya 20 Ruhuhuma uwu mwaka.
