Inyuma y’imyaka itandatu irangiye Reta y’Uburundi itanguje umugambi w’amashure-shingiro mu ntumbero yo kwongereza akanovera k’inyigisho, ubushikiranganji bw’indero n’ubushakashatsi bufadikanije n’ishirahamwe UNICEF buriko buragira isuzuma ry’uwo mugambi mu gihugu cose.
Intumbero akaba ari ukuraba akarusho izo nyigisho zazanye hamwe n’ingorane zoba zarawubonetsemwo mu ntumbero yo kuzitorera umuti.
Iryo suzuma ryatanguye kuri uyu wa mbere igenekerezo rya 5 Gitugutu 2020 rikaba ritegekanijwe kuzorangira kuwa 16 Gitugutu uwu mwaka.
Abayobozi bose bakaba basabwa kworohereza umurwi w’abahinga uriko urakora iryo suzuma.
