Umurwi w’ingabo z’Urwego rushinzwe kugenzura imipaka yo mu Karere k’Ibiyaga Binini, EJMV (Extended Joint Mechanism of Verification) rugize Inzego z’Inama mpuzamakungu y’Akarere k’Ibiyaga Binini (CIRGL) watanguye gukora amatohoza ku barwanyi 19 bivugwa ko ari abo mu muhari wa Red Tabara bafatiwe ku butaka bw’Urwanda.
Abo barwanyi ngo binjiye ku butaka bw’Urwanda baciye mw’ishamba rya Nyungwe, ngo hari kw’igenekerezo rta 29 Nyakanga 2020 baca bafatwa mpiri mu Karere ka Nyarugusu bafise n’inkoho, ibikoresho bitandukanye ndetse n’impamba bari bitwaje.
Bakaba berekanwe n’igisoda c’Urwanda. Igipolisi c’Uburundi giciye ku muvugizi waco Pierre Nkurikiye kikaba caheruka gusohora itangazo gisaba ko Urwanda rwoshikiriza Uburundi izo nkozi z’ikibi bitarinze guca mu zindi nzego.
