Uburundi ngo bugiye gutsimbataza imigenderanire yabwo n’ishirahamwe mpuzamakungu ONU.
Umushikirangaji w’imigenderanire y’Uburundi n’ayandi makungu Albert Shingiro yabishikirije ku muhingamo wo kuri uyu wa mbere, igenekerezo rya 14 Nyakanga umwaka w’2020 inyuma y’umubonano yahaye icegera c’umunyamabanga mukuru w’iryo shirahamwe ajejwe akarere ka Afrika Bintu Keita yari arongoye izindi ntumwa.
Albert Shingiro amenyesha ko iryo shirahamwe rigiye gushigikira umugambi w’igihugu ujanye n’iterambere rusangi.
