Inyuma y’ameze atari make ata mugwi abarizwamo, uwigeze kuba Umumenyereza w’intamba mu rugamba Amars Niyongabo agiye kumenyereza Umugwi Kayanza United .
Ayo makuru akaba yanditswe ku rubuga ngurukana bumenyi Facebook rw’umugwi Kayanza United wo mu Ntara ya Kayanza.
Amars afise Licence A ya CAF , akaba agiye kumenyereza Umugwi Kayanza United mu nkino zo gusubiriza z’ihiganwa rya Primus league 2020-2021.
Akaba agiye muri Kayanza United asubiriye Umumenyereza Joslin Bipfubusa yatanze imihoho mu misi iheze .
Mwomenya y’uko Niyongabo Amars amaze kumenyereza imigwi itari mike yo muri kano karere; ngaha iwacu yamenyereje imigwi ya Prince Louis , Athletico Olympic , Buja City , Inter Star , mu gihugu ca Congo yamenyereje umugwi Bukavu dawa , mu Rwanda yamenyereje Musanze Fc , muri Djibouti yamenyereje Ac Djibouti Telecom , mugihe muri Kenya yigeze kuba icegera c’umumenyereza w’umugwi nserukira gihugu wa Kenya Adel Amrouch yigeze kumenyereza Intamba mu rugamba.
