Ishirahamwe ry’umupira w’amaguru muri Tanzania TFF ryatoye Umukinyi w’intamba mu rugamba Saidi Ntibazonkiza nk’umukinyi yitwaye neza gusumba abandi mu kwezi kwa Kigarama .
Saidi Ntibazonkiza mu rukino rwiwe rwa mbere rw’ihiganwa yakinye muri Tanzania yashoboye gutsinda igitsindo ndetse aranatanga umupira uvyara igitsindo ( Assist) mugihe urukino rwiwe rwa kabiri yakinye yashoboye gutanga imipira 2 ivyara ibitsindo mugihe urwa gatatu narwo yashoboye gutsinda igitsindo co kugombora.
Mwomenya y’uko kuva aho Saidi Ntibazonkiza ashikiye muri Yang Africans mu nkino zose amaze gukina harimwo n’urukino rwa kivandimwe amaze gutsinda ibitsindo 4 atanga imipira 3 ivyara ibitsindo.
