Umumenyereza mukuru w’intamba mu rugamba Etienne Ndayiragije yashize ahabona Staff bazokorana mu murwi nserukira gihugu Intamba mu rugamba .
Abo bagiye gukorana akaba ari aba bakurikira :
1) Icegera ciwe : Patrick Sangwa yamenyereje kera imirwi ya Flamengo Fc , Rumuri Fc hamwe na Athletico Olympic , muri kino gihe amenyereza imirwi y’abakiri bato mu bubirigi , akaba asanzwe afise Licence A Pro ya UEFA .
2) Vallery Nahayo : Analist Video yigeze kuba kizigenza w’Intamba mu rugamba imyaka itari mike muri kino gihe asanzwe akurikirana ivyigwa vy’amasanamu y’imirwi itandukanye mu bubirigi.
3) Elvis Banyihwabe : (Preparateur Physique) ni umukinyi wa kera w’Intamba mu rugamba muri kino gihe asanzwe amenyereza umurwi Mandela Reds ukina muri Semi Amateur mu gihugu c’Ubwongereza mu gisagara ca Liverpool, akaba yize ivyirwa bijanye n’ubwenge kumwe n’ikora neza ry’ubwonko (Psycologiste).
4) Khalid Niyonzima : Umumenyereza w’abanyegori akaba nawe yarakiniye Intamba mu rugamba , asanzwe afise Licence A ya CAF , CAF C Goalkeeper , FIFA Hight Level Goalkeeping , UEF a Licence B
5) Mutima Constantin : Team Manager , uwo amaze imyaka ishika kuri 9 ari Manager w’intamba mu rugamba, ivyiza amaze gukora ntawobidondagure ngo abimare .
6) Mpewenimana Hassan : Kit Manager akaba arongoye umurwi Buja Queens .
Uno mugabo mubona kano kazi yagahawe agakwiriye kandi agiye gukora yarasanzwe agakunda, kuko ni kenshi yisopa mu mafaranga yiwe akuye mu mufuko akagenda gukora ubu Kit Manager mu gihe atabihemberwa, kiretse gukunda igihugu gusa, asanzwe ari nawe kandi araba amatungo ya Cedric Amissi ari hano kubutaka bw’Uburundi n’ibindi vyinshi.
Mwomenyako Intamba mu rugamba zifise urukino rwa kivandimwe na Kenya mu kwezi kwa Ntwarante 2023.
