Ibikorwa vyo kwubaka ikiraro ca Nyabusunzu kiri kw’ibarabara ry’igihugu inomero 11 (RN11) rica Mabanda- Makamba- Rutana- Cankuzo) ngo bigeze ku ntambwe ishimishije.
Bishikirizwa na Emile Ndayisaba, umuyobozi mukuru w’ikigo kijejwe amabarabara. Emile Ndayisaba amenyesha ko hagiye no gukingirwa ibiraro vya Mugombwa, Rukoziri na Buyezi biri kuri iryo barabara ry’icumi na rimwe (RN11).
Uwo muyobozi amenyesha kandi ko ca gice c’ibarabara Nyanza Lac-Mabanda cononekara bita ku Rukonwe ngo naco nyene kigiye gusanurwa.
