Kuri uno wa gatanu, igenekerezo rya 19 Ntwarante umwaka w’2021, umutambukanyi w’umukuru w’igihugu Angeline Ndayishimiye yashikirije imfashanyo abakenyezi bo muri komine Ntahangwa mu gisagara ca Bujumbura.
Iyo mfashanyo igizwe n’umuceri, ibiharage n’ivyambarwa, yahawe imiryango 100 itunze abatamakazi ba ntahonikora gusumba abandi, bo mu mazone yose agize komine Ntahangwa. Abagarukiweko bose basavye umutambukanyi w’umukuru w’Igihugu Angeline Ndayishimiye kuzokwama abari hafi.
Umutambukanyi w’umukuru w’igihugu Angeline Ndayishimiye yatanze iyo mfashanyo aserukiye ishirahamwe “Umugiraneza”, akaba yiyemeje kuzofata mu mugongo abakenyezi bose bazokwijukira kuja mu mashirahamwe.
