Uwahoze ari umukinyi wa Vital’o Fc mu myaka iheze umukinyi w’inyuma Girukwishaka Michel agiye gukinira umugwi Olympic Star w’i Muyinga. Akaba yashize umukono ku masezerano yo gukinira uyo mugwi mu kiringo c’amezi 6.
Michel akaba ari umwe mu bakinyi bafise imyaka myinshi bakina muri Primus ligue Burundi akaba ari no mu bakinyi bafashije Vital’o Fc gutwara igikombe ca CECAFA Kagame Cup cabereye muri Soudan mu mwaka wa 2013.
Akaba nk’uwusubiye mu rugo kuko mu mwaka wa 2016 yakiniye uyo mugwi wa Olympic Star.
Yaciye mu migwi nka Vital’o Fc, Musongati Fc, Prince -Louis hamwe na Olympic Star asubiye gukinira.
