Umugwi wo mu cicaro ca gatatu witwa 6th October Fc waguze umutama w’imyaka 74 azwi ku mazina ya Eez Eldin Bahder.
Nk’uko vyaraye bitangajwe n’ishirahamwe ry’umupira w’amuguru muri Misiri kuri uyu wa kabiri waraye uheze igenekereo rya 21 Nzero umwaka w’2020, iryo shirahamwe rivuga y’uko ryakiriye umukinyi wa mbere w’umutama nk’uwo mu mateka y’isi.
Nta masezerano yashizwe ahabona hagati y’uwo mutama Eez Eldin Bahder hamwe n’uyo mugwi wa 6th October Fc.
Twagerageje kurondera amateka y’uwo mutama n’imigwi yoba yarigeze gucamwo ariko ntitwashoboye kuyaronka cokimwe n’abanditse iyo nkuru mu Misiri. Ni inkuru tubandanya tubatohoreza.
