Hari kuri uyu wa gatatu waraye uheze igenekerezo rya 22 Nzero 2020 niho umugwi Zulte Weregem ukinamwo Kizigenza w’intamba mu rugamba Saido Berahino wari wakiriye umugwi Club Bruges mu rukino rwo gutangura rw’igice 1/2 gishira ica nyuma c’ihiganwa ry’igikombe c’Ububirigi, urwo rukino rukaba rwarangiye iyo migwi yompi inganije igitsindo 1-1.
Club Bruges niyo yatanguye kwinjiza igitsindo ca mbere biciye kuri Mats Rits ku munota wa 53 w’urukino munyuma kiragomborwa na kizigeza w’intamba mu rugamba Saido Berahino ku munota wa 59 w’urukino.
Saido Berahino kuva asubiriye mu kibuga abandanya yitwara neza mu kibuga mbere bikaboneka y’uko ashobora gufasha ibitari bike mu nkino zo kurondera itike yo kwitabita inkino za CAN 2021 aho Uburundi bwiteze gutana mu mitwe na Mauritania mu kwezi kwa 3.
