Umusatirizi w’Intamba mu rugamba Bimenyimana Bon Fils Caleb abandanya yitwara neza.

Hari kuri uyu wa Mungu uheze igenekerezo rya 13 nzero aho ihiganwa ryo mu Rwanda ryari riteye kundwi ya 14, Rayon Sport yari iramutse yakira Kirehe Fc biza kurangira Rayon sports ibanyagiye ibitsindo 3 Ku 0.

Bimenyimana bon fils Caleb akaba ari mu bafashije Rayon sports gutsinda Kirehe Fc kuko ariwe yinjije igitsindo ca mbere Ku munota wa 37 w’urukino , mugihe ibindi ibitsindo bibiri vyinjizwa na Manzi Thierry hamwe na Michael Sarpong .

Bon Fils Caleb akaba yaciye arara akwiza ibitsindo 7 mw’ihiganwa ryo mu gihugu c’Urwanda .

Mukamenya bon fils Caleb yarigeze guhanwa n’ishirahamwe ry’umupira w’amaguru mu Gihugu c’Urwanda FERWAFA kumvo zo kugwana n’umurorerezi w’Umugwi Sun rise , kuvaho aviriye mu bihano mu nkino zose zitatu amaze gukina nta rukino narumwe atarinjiza igitsindo .