Umurwi wa Rukinzo mu bagabo na Muzinga mu bakenyezi niyo yatahukanye ihiganwa rya volley ball i Bujumbura.
Iyo mirwi yarakoze ibikomeye kuko yahuye n’imirwi ikomeye nka Amical yaheruka gutwara ihiganwa riheze, Gacosmos, Bisoro, Muzinga, BUN aho ni mu bagabo mu gihe Muzinga y’abagore yarushije imirwi nka GLC, Les As, Panthers na New colombe. Abakinyi bahuye niyo mirwi yatwaye igikombe babwiye ikinyamakuru canyu ko Rukinzo ikomeye hagati kubatanga imipira (passeurs ) no kuzibira (Bloc) mu gihe abahuye na Muzinga y’abakenyezi imenyerezwa na Minani Jérémie bemeza ko ari umurwi ufise uburambe cane.
Aganira na indundi.com uwurongoye ishirahamwe rya volley ball i Bujumbura Avab Claver Ngendakumana batazira Barbare yarashimye urugero umupira wa volley ugezeko ngo kubera imirwi yikomeje cane akaba yarashimye n’ukuntu abarongoye imirwi bitanga.
