Kuva ku musi wa gatandatu igenekerezo rya 24 gushika igenekerezo rya 26 Ndamukiza 2021, inkino zo gusubiriza z’igikombe c’umukuru w’igihugu zarabandanije mu gice 1/8 gishira icanyuma .
– Vital’o Fc yatsinzwe na Rukinzo Fc igitsindo 1-0 , ariko Vital’o ikaba ariyo yaciye ironka amahirwe yo kubandanya mu gice ca 1/4 gishira icanyuma bivanye n’uko urukino rwo gutangura yari yanyagiye Rukinzo ibitsindo 3-0.
– Buhumuza Fc yatsinzwe na Musongati Fc ibitsindo 3-1 , mugihe urukino rwo gutangura iyo migwi yari yanganije 0-0 ivyatumye Musongati ubandanya mu gice ca 1/4 gishira icanyuma .
– Bs Dynamik yanganije 0-0 n’umugwi Bumamuru ariko Bumamuru niyo yaciye ibandanya mu gice ca 1/4 gishira icanyuma bivanye n’uko urukino rwo gutangura yari yatsinze ibitsindo 2-1
– Inter Star yanganije na Messager Ngozi igitsindo 1-1 , ariko Messager yaciye ibandanya mu gice ca 1/4 gishira icanyuma bivanye n’uko urukino rwo gutangura yatsinze Inter Stars igitsindo 1-0
– Flambeau du Centre yanyagiye Telaviv ibitsindo 6-1, mugihe urukino rwo gutangura iyo migwi yari yanganije igitsindo 1-1 , ivyatumye Flambeau du Centre ibandanya mu gice ca 1/4 gishira icanyuma .
– Lumière de Mwumba yatsinze Garage Express ibitsindo 3-1 , mugihe urukino rwo gutangura Garage Express yari yatsinze uwo mugwi ibitsindo 4-1 ivyatumye uwo mugwi ubandanya mu gice 1/4 gishira icanyuma .
– LLBS4A yanganije na Olympic Star igitsindo 1-1 , mugihe urukino rwo gutangura Olympic Star yari yanyagiye LLB ibitsindo 3-1 , ivyatumye uwo mugwi ubandanya mu gice 1/4 gishira icanyuma .
– Buja City yatsinzwe na Royal Fc ibitsindo 3-0 , mugihe urukino rwo gutangura iyo migwi yari yanganije ibitsindo 2-2, ivyatumye uwo mugwi ubandanya mu gice 1/4 gishira icanyuma.
Uku niko imigwi izohura mu gice ca 1/4 gishira icanyuma :
-Vital’o Fc izohura na Royal Fc
– Musongati izohura na Olympic Stars
– Bumamuru izohura na Messager Ngozi
– Garage Express izohura na Flambeau du Centre.
