Umukuru w’igihugu ca Tanzania Samia Suluhu Hassan yashize kumeza imiriyoni 5 kuri buri mukinyi wa Young Africans hamwe na Simba Sc azokwinjiza igitsindo .
Kuri uyu wa kabiri igenekerezo rya 14 Ruhuhuma 2023 , umukuru w’igihugu ca Tanzania Samia Suluhu Hassan yemereye abakinyi ba Young Africans na Simba Sc bazotsinda igitsindo mu nkino zo mumatsinda ya CAF Champions League hamwe na Caf Confederation Cup .
Simba Sc mu rukino rwa mbere rwo mu matsinda yatsinzwe na Horoya Fc igitsindo 1-0 , mugihe Young Africans mu rukino rwayo rwa mbere rwo mu matsinda ya Caf confederation Cup watsinzwe ibitsindo 2-0 n’umurwi wa US Minatir wo muri Tunisie .
Umurwi wa Simba Sc ugiye kwakira Raja Casablanca yo muri Maroc mu rukino rugira kabiri rwo mu matsinda ruzoba kuri uyu wa gatandatu igenekerezo rya 18 Ruhuhuma 2023 i Dar es Salaam ku kibuga citiriwe Mupaka , mugihe Young Africans izokwakira TP Mazembe mu rukino rugira kabiri rwo mu matsinda ruzoba kuri uyu w’ Imana igenekerezo rya 19 Ruhuhuma 2023 ku kibuga co kwa Mukapa .
Mwomenyako Young Africans ariyo yatahukanye igikombe c’Umwaka uheze mugihe Simba Sc yoyo yafashe ikibanza ca kabiri .
