Umukinyi w’umusatirizi w’Intamba mu rugamba Mavugo Laudit abandanya yitwara neza mu gihugu ca Zambia
Kuri uyu wa gatandatu igenekerezo rya 04 Rusama umwaka wa 2019 , niho umugwi Napsa Star ukinamwo Mavugo Laudit wari wakiriye umugwi Forest Rangers mu rukino rw’indwi ya 14 y’ihiganwa ryo muri Zambia, urwo rukino rukaba rwarangiye Napsa Star utsinze Forest Rangers ibitsindo 3-2.
Umukinyi w’umusatirizi w’Intamba mu rugamba Mavugo Laudit akaba ariwe yatsinze ivyo ibitsindo 3 wenyene atahana umupira nkuko amategeko abivuga.
Mavugo Laudit akaba aciye arara mu kibanza cambere mu bakinyi bafise ibitsindo vyinshi mw’ihiganwa ryo muri Zambia yaciye akwiza ibitsindo 10.
